Photo: Byggðasafnið á Skógum

Áraskip

1855

In preservation at

Áraskipið Pétursey frá 1855, með stýri , 8 árum og hluta af bitafjöl. Gjöf Jóns Halldórssonar í Vík. Áraskipið og seglskipið Pétursey, byggt 1855 í Pétursey í Mýrdal af Jóni Ólafssyni bónda þar og Sæmundi Bjarnasyni bónda í Vatnsskarðshólum. Áttæringur, 17 manna far. Það er með svonefndu brimsandalagi, ætlað til ýtingar og lendingar frá brimsöndum. Oft endurbætt frá smíðaári en saga þess er óslitin. Var einatt að vori í förum milli lands og Vestmannaeyja. Formaður lengst af á 19. öld Guðmundur Ólafsson í Eyjarhólum, faðir Eyjólfs bónda og fræðimanns á Hvoli sem skráð hefur sögu skipsins í bókinni Pabbi og mamma. Því var róið til fiskiveiða úr Máríuhliði við útfall Jökulsár á Sólheimasandi árin 1862-1909, síðan uppskipunarbátur og fiskibátur í Vík í Mýrdal til 1946. Var róið í fisk á stórskipasjó, þ.e. ekki vatsdauðan sjó. Einstakt happaskip. Jón Halldórsson kaupmaður í Suður-Vík og fjölskylda hans gáfu Skógasafni Pétursey 1952. Skipið var nokkuð endurbætt í Skógum og bitafjöl með dróttkveðinni vísu séra Gísla Thorarensen á Felli endurgerð. Skipið var búið möstrum og seglum í nýju safnhúsi árið 1995.