Saumakassi

1847 - 1855

In preservation at

Kassi smíðaður af Jóhanni Einarssyni Syðri-Haga, faðir Friðriks afa gefandans Ágústu Magnúsdóttur Syðsta-Kambhóli. Kassinn er sveinstykki Jóhanns en hann lærði hjá Þorsteini Daníelssyni á Skipalóni um 1852. Kassinn er úr furu, geirnegldur og lagður dökkum spæni að mestu mahóní, en þó aðrar viðartegundir. Í kassanum er skúffa og í henni átta hólf með lokum, stærð þeirra 5,2 x 9 sm. Lokin eru úr dökkum viðartegundum, þrjár þynnur límdar saman og öll þykktin 0,3 sm. Á lokunum hafa verið renndir hvítir beinhnúðar en því miður týndir nema á tveimur. Þá eru tvö minni hólf, hvert þeirra hólfað í sundur með tveimur spjöldum og inn í alla kanta þeirra skorinn úr hálfhringur og er band undið um eitt þeirra. Innan í lokinu er allt í kring fínir kúptir harðviðarlistar og í miðju loki listaferhyrningur, en innan þess ramma hefur sennilega verið spegill, þar vantar annann gafllistan. Á kassanum eru koparlamir og skrá, spónninn á kassanum er all þykkur og viða brotinn og dottinn af. Á lokinu yst á röðum hefur verið feldar saman fleiri viðartegundir ljósar og dökkar í örfínum renningum en það hefur víða farið af. Líklegt er að kassinn hafi verið smíðaður sem saumakassi og er smíði hans hin besta.