Söðulsessa
1847 - 1850
In preservation at
Akureyri Museum
Innrammað yfirborð
af söðulsessu. Sessan er saumuð með blómstursaum með marglitu bandi
sem mjög líklega er litað með jurtalitum. Virðist frágangur
sessunnar allur hinn prýðilegasti. Sessan er saumuð af Önnu Jóhannesdóttur
frá Gautstöðum um 1847-1850. Í Súlum
5, 1973 er að finna grein eftir Kristján frá Djúpalæk um þessa söðulsessu.
Þar er rakin saga um tilurð sessunnar. Hún er þannig að eitt sinn kom að
heimili Önnu prestmadama nokkur en ekki er getið nafns hennar. Madaman
baðst gistingar og var velkomin. Hún barst mjög á í öllum búnaði, reið
glæstum fáki og voru reiðtygin öll hin vönduðustu. Í söðli hennar var forkunnarfögur
sessa, mjög útsaumuð. Þegar gestkonan hafði þegið góðan beina og aðra fyrirgreiðslu
hjá húsfreyju, tóku þær tal saman. Anna hafði tekið eftir hinni fögru sessu
í söðli madömunnar og hrifist mjög af henni. Fór hún þess nú mildilegast
á leit við gest sinn að hún mætti taka upp mynstrið á sessunni, ef sér
kynni að vinnast tími og handbragð til að sauma sjálfri sér slíkan kjörgrip.
Þessari málaleitan neitaði madaman gjörsamlega og var ekki meira rætt það
mál um kvöldið. Anna fylgdi þá gesti sínum til hvílu og bauð góða nótt.
Sjálf þurfti hún enn mörgu að sinna og ekki vék sessan úr huga hennar né
löngunin að geta gjört slíka gersemi. Með þessar hugleiðingar óleystar,
gekk hún til náða. En Anna Jóhannesdóttir reis árla úr rekkju að morgni
og hafði tekið sína ákvörðun. Meðan aðrir sváfu enn værum svefni, teiknaði
hún upp munstrið á sessu gestkonunnar og hafði lokið því er hinir fyrstu
brugðu blundi og gat við öngvan mann morguniðju sína. Madömunni veitti
hún góðan morgunverð og fylgdi henni úr hlaði með guðsblessun. Hún hafði
fullnægt gestrisnisskyldu sinni. Söðulsessa Önnu er svo varðveitt en hina
man enginn.
Main information
Dating
1847 - 1850
Object-related numbers
Museumnumber a: 1899
"Museumnumber b": 1963-1899
Dimensions
46 x 33 cm
Lengd: 46 Breidd: 33 cm
Place
Staður: Gautsstaðir 1, Svalbarðsstrandarhreppur
Record type
Collection
Undirskrá: Munaskrá - MSA
Keywords
Keyword: Söðulsessa
Place of origin
65°46'2.1"N 18°4'26.3"W