Saumakassi

1784

In preservation at

Kassinn (sennilega saumakassi) er svarblár með rauðum röndum á hornum og köntum og með hvítum og ljósgrænum blómsveigum, geirnegldur. Lokið er fellt niður í kassann þannig að aftast á loki er tré tappi, einn á hvorum enda og ganga tapparnir í göt á göflunum. Á lokinu framarlega er gat og spotta brugðið í til opnunar. Þegar lokið fellur aftur fellur það ofan á tvo trétappa í framhliðinni.(Annar horfinn) Á loki kassans eru stafirnir Þ.R.D. rauðmálaðir, en á framhlið er haglega málað með hvítum og ljósgrænum skyggðum stöfum "Ao 1784." Krossviðarbotn hefur verið settur í kassann á seinni árum. Kassinn er sagður smíðaður af Jóni Hallgrímssyni sem kenndur var við Kasthvamm í Laxárdal S-Þingeyjarsýslu, einnig hefur hann verið kenndur við Naust við Akureyri, en hann var bróðir Þorláks í Skriðu í Hörgárdal.