Order a photo Terms of Use

Manntafl

In preservation at

Skógar museum

Manntafl. Taflmenn renndir úr tré. Varðveittir í ferhyrndum stokki. Taflborðið sjálft er lokið á stokknum. Hefur verið á hjörum sem nú eru brottu. Taflið virðst íslenskt að smíði og allgamalt. Er frá Skammadal. Umgerð taflborðs (rammi) er greinilega yngri er taflið sjálft. Taflmennirnir eru fagurlega gerðir en einn auka taflmaður er með í kassanum (hvítur). Hann lítur ekki út eins og neinn af hinum, en gæti verið gömul drottning. Einnig fylgir með brotið svart peð, en annað hefur verið búið til þess í stað. Það passar ekki við hin peðin og virðist hafa verið tálgað frekar en rennt eins og hin. Fjalirnar sem kassinn var gerður úr virðast hafa verið teknar úr einhverskonar vörukassa. Á botni kassans má sjá prentaðan texta, en sagað hefur verið í gegnum miðjuna. Eftir standa stafirnir "RD & SON", "BURGH *" og "CUITS". "BURGH" var líklega "Edinburgh", og "CUITS" "biscuits" eða kex. "RD & SONS" er því líklega hluti af nafni framleiðandans. Taflið hefur því verið smíðað úr kassa sem upphaflega hefur verið undir kex frá Skotlandi. Framleiðandinn hefur líklega verið William Crawford & Sons, kexframleiðendur í Edinborg sem störfuðu 1813-1962. Gefendur Páll Ævar Pálsson tannlæknir í Kópavogi, Stefán Pálsson og ( Bergþóra) Karen Pálsdóttir nú búsett á Spáni. Úr búi Páls Sigurðssonar bónda í Skammadal í Mýrdal og Bergþóru Sveinsdóttur konu hans. Kom frá dánarbúi móðurbróður þeirra systkina, Sveins Pálssonar í Blönduhlíð 7, Reykjavík, sem dó 2003. Einnig úr búi Ársæls Sigurðssonar skólastjóra og Sigurbjargar Pálsdóttur, Blönduhlíð 7.