Go Back To Search
Do you know more?

landslag með vörumerki, nr 5 - Borgarlandslag II

In preservation at
Hafnarborg – Hafnarfjörður Centre of Culture and Fine Art
Verkið var á sýningu Sigurðar What´s Up, Ave Maria sem var í Sverrissal Hafnarborgar frá 21. maí - 21. ágúst 2022. https://hafnarborg.is/exhibition/whats-up-ave-maria/

Main information

Title
Art title: landslag með vörumerki, nr 5 - Borgarlandslag II
Dating
= 2022
Object-related numbers
Museumnumber a: Hb-1588-1
Dimensions
150 x 250 x 0 cm
Exhibition text
Guð minn góður, hvað er að gerast?  Merki (skilti, skilaboð, lógó, táknmyndir) hafa vægi í samfélaginu, jafnvel vald. Merki – eitthvað sem við túlkum, sem segir okkur eitthvað, upplýsir okkur, tól til að koma skilaboðum á milli fólks, oft á myndrænan hátt og af vissri fagurfræði – er fyrirbæri sem við sjáum á hverjum degi. Við erum vön því að sjá merki, tákn, auglýsingar, bendingar, teikn, hvort sem við tökum sérstaklega eftir þeim eður ei. Og við erum vön því að merki segi okkur eitthvað. Til þess að merki sé merki í raun þarf það að segja okkur eitthvað, hvort sem það er stíft og ákveðið eins og regla um einstefnu eða hvar má leggja hjóli, eða óræðara merki sem á að segja: við erum nútímalegt fyrirtæki sem hugar að náttúrunni og endurvinnslu; eða: við erum að reyna að höfða til viss markhóps í okkar samskiptum. Sem samfélag vitum við hvernig merki, táknmynd, skilti lítur út.                  En hvað gerist ef merkið sem við sjáum virðist ekki merkja neitt ákveðið? Ef merkið lítur út eins og merki, notar tungumál merkisins, en bendir ekki á neitt? Að geta ekki lesið úr slíku tákni getur verið óþægilegt, jafnvel ógnvænlegt. Kannski sérstaklega þegar merkin eru eins og þau eru hér, kunnugleg en óvenjuleg, kubbótt og gljáandi, að einhverju leyti óaðgengileg, hörð, eins og úr annarri vídd sem er næstum því eins og okkar en ekki alveg, af því svona eru auglýsingar augljóslega ekki. Hér er hún bjöguð, eins og uppvakningur af einhverri yfirborðslegri, síð-kapítalískri menningu.                 Ef við notum orðið lógó í staðinn og segjum að þessi verk séu mikið til eins og lógó, og við höldum í uppruna orðsins, þá opnum við á annað mengi. Lógó kemur af logos, úr grísku, og þýðir orð en líka rök/rökhyggja. Þá hefur það oft að gera með rétt eða heilög orð og hvað orð innihalda, samanber lógík. Meira en það þá er logos „Orðið“ í setningunni: „Í upphafi var Orðið, og Orðið var hjá Guði, og Orðið var Guð.“ Lógó gæti þá bæði verið eitthvað sem er hægt að hafa trú á og efast um.                  Ef við spyrjum þá: „Guð minn góður, hvað er að gerast?“ getum við kannski svarað að okkur hafa verið færð einhvers konar boðorð niður af fjallinu og þau sett fyrir framan okkur til að túlka. En við vitum ekki alveg hvað þau segja og það er óljóst hvað við lesum úr þeim. Þau birtast hér, massíf, smá óþægileg, smá ógnvænleg en líka absúrd og flöt, ekki bendandi á neitt augljóst nema á sjálf sig. Lógó sem virðast ekki merkja neitt, eða hvað? Ógnvænleg þá kannski af því að við túlkum þau samt – við erum jafnvel haldin einhverri þráhyggju til að leysa úr þessum verkum. Af því að við þekkjum þetta tungumál og af því við erum túlkandi dýr.                Og boðorð eða ekki, þá væri kannski líka hægt að líkja þessum verkum við, til dæmis, regnskógarsenur Henri Rousseau frá því um aldamótin 1900. Þar málaði hann tígrisdýr og hlébarða, paradísarfugla og framandi plöntur en án þess að hafa nokkurn tímann ferðast út fyrir Frakkland. Hann málaði þessar senur upp úr myndum í blöðum, heimsóknum í dýra- og grasagarðinn, úr auglýsingum og öðrum sýningum. Samsettar myndir sem spegla samfélagið, nærumhverfið og viðteknar hugmyndir frekar en náttúruna, af því svona er náttúran augljóslega ekki. Verkin hér eru sömuleiðis kunnugleg og sannfærandi sem myndir en merkingin óræð, afskræmd, ágeng, smá ógnvænleg, eins og úr annari vídd sem er ekki alveg okkar en er kannski ekki svo langt í burtu.     Starkaður Sigurðarson 
Record type
Collection
Undirskrá: Heildarsafn
Edition/Series
1