Order a photo Terms of Use

Fatakista

1800

In preservation at

Skagafjörður Heritage Museum

Kista, 109,5 cm á lengd, 54,5 cm á hæð, 39 cm á breidd neðst, en víkkar aðeins út eftir því sem ofar dregur og er 48 cm á breidd efst. Aðallitir eru grænn, bleikur, rauður og örlítið blátt. Kistan er geirnegld, lokið er trétappað og kúpt. Framan á kistunni eru tveir blómasveigar með slaufum á endum, rauður bekkur er málaður á milli sveiganna. Hvor blómasveigur samanstendur af grænum laufum og þremur bleikum blómum, og örlítið sést í blátt blóm á báðum sveigum. Rauðir bekkir eru meðfram brúnum á kistunni. Málningin er að mestu afmáð af lokinu, en þó sést að það hefur einnig verið grænmálað og enn sést í eitt bleikt blóm. Handraði er vinstra megin í kistunni, hlerinn er stífur við opnun (handraði hefur e.t.v. skekst). Lamir, handföng á hliðum, læsing og skráarlauf eru úr járni, en hakið sem venjulega er á lokinu innanverðu og smellur í læsinguna vantar. Lykill fylgir ekki. Kistan kemur frá Herði Ingimarssyni á Sauðárkróki. Hann segir kistuna vera frá því um 1800, og sennilega komin frá langa-langafa hans. Hörður rekur eigendasöguna svona: 1) Hörður Ingimarsson (01.09.1943) fékk kistuna frá: 2) Ingimar Bogasyni (18.05.1911-19.05.1996) og Engilráð Sigurðardóttur (27.07.1919 - 23.02.1988) frá Hrauni í Svartárdal. Engilráð fæddist á Hvammi í Svartárdal, en bjó á Halldórsstöðum þegar hún kvæntist Ingimari Bogasyni og bjuggu þau á Halldórsstöðum þar til þau fluttu á Sauðárkrók. Hún starfaði lengst af við fiskvinnslu, á sláturhúsinu, ræstingar og við heyskap. Þau eignuðust 4 syni. (http://atom.skagafjordur.is/index.php/engilra-sigur-ardottir;isaar?sf_culture=is) Ingimar fæddist á Syðra-Skörðugili á Langholti, (http://atom.skagafjordur.is/index.php/orleifur-ingimar-bogason-1911-1996) 3) Þorbjörg Ólafsdóttir (6.05.1885 - 10.06.1927) og Boga Gíslasyni (19.06.1876 - 27.03.1942) sem bjuggu á S-Skörðugili. Bogi Pétur Gíslason, bóndi á Syðra-Skörðugili á Langholti: https://timarit.is/page/2456025#page/n9/mode/2up Þorbjörg og Bogi tóku við búinu af foreldrum Þorbjargar, Guðrúnu og Ólafi https://timarit.is/page/4550276#page/n1/mode/2up 4) Guðrún Jóhannsdóttir (24.11.1850 – 15.03.1944) og Ólafi Sigurði Eyjólfssyni (2.06.1852-31.10.1922), bjuggu víða, s.s. í Áshildarholti, Vík, Húsey og á Syðra-Skörðugili. (Íslendingabók) 5) Þórunn Sigurðardóttir (27.04.1809-1899) og Jóhann Einarsson (1814-1860) Þau voru vinnuhjú á Hólum í Hjaltadal. Þetta var eina fatakistan á S-Skörðugili þegar þau voru þar (skv. Herði) Þórunn var vinnukona víða í Skagafirði, m.a. á Ögmundarstöðum í Staðarhreppi. Jóhann Einarsson, niðursetningur á Hólum í Hjaltadal 1816, vinnumaður víða í Skagafirði, síðast á Kimbastöðum. (Íslendingabók)