Tehetta
1930 - 1950
In preservation at
National Museum of Iceland
Útsaumuð tehetta. Á annarri hlið tehettunnar eru saumaðir bókstafirnir RC og á hinni hliðinni er blómamunstur. Meðfram kanti tehettunnar er blúnda.Tehettan er hvít að utan en að innan er blátt efni. Á tehettunni eru margir blettir, einkum að innan.Tehettan var gefin til safnsins árið 2022 og í sömu gjöf voru einnig fjórir dúkar (nr. 2022-8-1 og 2022-8-2).
Upplýsingar frá gefanda:
Tehettan er merkt með bókstöfunum: RC og er líklega saumuð af langömmu gefanda, Ragnheiði Clausen (f. 1879, d. 1966), en einnig er möguleiki á að hún hafi fengið hana að gjöf. Tehettan er líklega saumuð á tímabilinu 1930-1950. Gefandi man eftir tehettunni í notkun á síðasta heimili Ragnheiðar á Seljavegi. Hún ásamt einhverjum dúkum lágu í skúffu stórs skáps (chiffonier) sem var á heimili Ragnheiðar.
Ragnheiður nam við Kvennaskólann í Reykjavík 1896-1897. Fyrri maður hennar var Benedikt Jónsson (f. 1863, d. 1901), verslunarmaður, og bjuggu þau í Finnbogabæ við Grjótagötu 10. Þau eignuðust saman eina dóttur, Guðrúnu Olgu. Eftir fráfall Benedikts árið 1901 fór Ragnheiður til Danmerkur til að læra kvenfatasaum en dóttir hennar fór ásamt föðurömmu sinni Kristínu til Seyðisfjarðar og dvaldist þar með henni. Að loknu námi Ragnheiðar bjuggu mæðgurnar Ragnheiður og Olga með móður Ragnheiðar og yngstu börnum hennar og sáu fyrir sér og sínum með saumaskap. Ragnheiður giftist seinni manni sínum Gísla Gíslasyni (f.1884, d. 1963), verslunarmanni, árið 1910 og átti með honum tvö börn, Hólmfríði og Holgeir.
Ragnheiður tók mikinn þátt í félagsmálum kvenna, einkum í Thorvaldsensfélaginu og var þar í stjórn og einnig formaður um tíma. Ragnheiður var mikil hannyrðakona og saumaði m.a. dúkkur í upphlut sem seldar voru á Thorvaldsens-bazarnum.
Þjóðminjasafn Íslands varðveitir ljósmynd af þeim mæðgum Ragnheiði og Olgu sem tekin var af Sigfúsi Eymundssyni safnnúmer: Mms-12687.
Main information
Donor: Guðrún Olga Einarsdóttir
Dating
1930 - 1950
Object-related numbers
"Museumnumber b": 2022-8-3
Dimensions
39 x 11 x 30 cm
Lengd: 39 Breidd: 11 Hæð: 30 cm
Place
Staður: Seljavegur, 101-Reykjavík, Reykjavíkurborg
Record type
Collection
Undirskrá: Munasafn