Saumavél
1900 - 1920
In preservation at
National Museum of Iceland
Handknúin saumavél í viðarkassa. Lokið er kúpt og á því er handfang úr málmi. Hliðar loksins eru útskornar jurtamynstri. Framan á lokinu, í gylltum ramma, er áletrað "Magnús Benjamínsson & Co." Saumavélin er svört að lit og skreytt gylltu mynstri með grænum og rauðum tónum. Mynstrið er farið að mást af. Á sitt hvorri hlið vélarinnar hefur verið áletrun sem nú er máð af, en svo virðist sem hún hafi verið sú sama og á lokinu. Í vélina er þræddur dökkgrænn tvinni. Vélin virkar. Stærð viðarkassans er 50 x 25 x 33,5 cm. Framleiðandi er óþekktur en við neðsta hluta arms vélarinnar má greina máða áletrun: "MADE IN U.S.A.". Í hólfi í viðarbotninum fylgdi ljósrit af auglýsingu úr dagblaði. Aftan á miðanum er skrifað með blýanti "ca. 1905-06".
Gefandi er Halla Bogadóttir (f. 1956) en vélina fékk hún frá móður sinni. Stjúpfaðir gefanda, Helgi Guðmundsson (f. 1936, d. 2017) úrsmíðameistari, rakst á saumavélina í Góða hirðinum í kringum árið 2010. Helgi sat í stjórn Úrsmiðafélags Íslands og vildi stuðla að minjasafni um úrsmiði. Saumavélin er merkt Magnúsi Benjamínssyni (f. 1853, d. 1942) úrsmíðameistara, en hann var einn hinna fyrstu til að selja saumavélar á Íslandi. Hann rak fyrirtækið M. Benjamínsson & Co og var einn af aðalhvatamönnum þess að Úrsmiðafélag Íslands var stofnað 27. október 1927. Magnús opnaði verslun sína 1881 og starfaði til 1933, er aðrir tóku við starfinu. Samskonar auglýsingar og sú sem ljósritið er af, birtust árin 1902 og 1903. Ætla má að saumavélin sé frá 1900-1920.
Samskonar saumavél er að finna í Byggðasafni Reykjanesbæjar (1980-82), en þó er ekki minnst á Magnús Benjamínsson.
Main information
Donor: Halla Bogadóttir
Dating
1900 - 1920
Material
Object-related numbers
"Museumnumber b": 2022-1
Dimensions
50 x 25 x 33.5 cm
Lengd: 50 Breidd: 25 Hæð: 33.5 cm
Record type
Collection
Undirskrá: Munasafn
Keywords
Keyword: Saumavél