Boðskort
1980
In preservation at
Icelandic Aviation Museum
Boðskort til Gísla Sigurðssonar flugvélasmiðs og svifflugmanns, frá bandaríska flugvélaframleiðandanum Northrop, vegna frumsýningar á endurgerðri herflugvél af gerðinni Northrop N-3PB, sem Gísli hafði tekið þátt í að bjarga. Umrædd flugvél var í eigu Norsku flugsveitarinnar og sökk í Þjórsá þann 21. apríl 1943. Henni var náð af botni árinnar árið 1979 og flutt til Bandaríkjanna þar sem yfir 300 sjálfboðaliðar unnu að endurgerð hennar í verksmiðjum Northrop. Hún var síðan flutt til Noregs og afhent norsku þjóðinni aftur til varðveislu og eignar.
Boðskortið er brúnt að lit, í þríbroti, og á því stendur: Northrop Corporation presents the rollout of the historic N-3PB Patrol Bomber its first production aircraft November, 10. Í efra hægra horni er blár límmiði með nafni Gísla og undir því stendur Northrop.
Gísli Sigurðsson fæddist 26. janúar 1919. Hann lést 19. júlí 2003. Í æviágripi sem fylgdi minningargreinum um Gísla og birtist í Morgunblaðinu á útfarardegi hans segir:
"Hann lærði flugvéla- og svifflugusmíði í Þýskalandi og Svíþjóð, á árunum eftir seinni heimsstyrjöldina og var eini lærði svifflugusmiðurinn á Íslandi, en þau réttindi fékk hann með ráðherrabréfi. Hann tók einnig C-próf í svifflugi 1955. Gísli starfaði fyrir Svifflugfélag Íslands frá 1941-1980, sat í stjórn félagsins 1949-1978 og var gerður heiðursfélagi árið 1963. Hann starfaði á trésmíðaverkstæði Flugmálastjórnar frá 1980-1988, en frá 1988 og fram til síðasta dags vann hann fyrir Flugsögufélagið við að gera upp gamlar flugvélar. Meðal þeirra véla sem Gísli gerði upp á ferli sínum var Klemminn svokallaði, mótorvél sem þýskur sviffluguleiðangur kom með til Íslands, rétt fyrir seinna stríð." (Morgunblaðið, 29. júlí 2003: https://www.mbl.is/greinasafn/grein/744119/)
Umrædd flugvél, Klemminn, TF-SUX, er varðveitt og til sýnis á Flugsafni Íslands.
Main information
Dating
1980
Material
Object-related numbers
"Museumnumber b": 2021-14-5
Dimensions
27.3 x 20.3 x 0.1 cm
Lengd: 27.3 Breidd: 20.3 Hæð: 0.1 cm
Place
Núverandi sveitarfélag: Reykjavíkurborg, Reykjavíkurborg
Record type
Collection
Undirskrá: Öndvegisstyrkur
Undirskrá: Almenn munaskrá
Keywords
Keyword: Boðskort