Go Back To Search
Do you know more?

Logbók

1929
In preservation at
Icelandic Aviation Museum
Logbók úr eigu Sigurðar Jónssonar flugmanns, Sigga flug. Bókin er ljósbrún að lit og á henni stendur: “Flugbuch. A See”. Í neðra vinstra horni stendur: “D.V.S.” og í neðra hægra horni er bókin merkt Sigurði með hans skrift: “S. Jónsson”. Fyrsta færsla bókarinnar er skráð 6. ágúst 1929 og sú síðasta 12. september 1929. Um er að ræða skólaflug við flugskólann í Warnemünde í Þýskalandi. Sigurður Jónsson flugmaður fæddist í Garðbæ á Eyrarbakka 18. febrúar 1910. Hann lést 22. ágúst 1986. Sigurður, eða Siggi flug eins og hann var kallaður, var handhafi flugskírteins nr. 1 á Íslandi og fyrsti atvinnuflugmaður landsins. Hann stundaði flugnám í Böblingen, Würzburg og Warnemünde í Þýskalandi frá 1928 til 1930. Þegar hann lauk námi réði hann sig til Flugfélags Íslands og starfaði þar árin 1930 og 1931 eða þar til að félagið lagði upp laupana vegna rekstrarerfiðleika. Hann hvarf til annarra starfa en sneri aftur í flugið þegar Flugfélag Akureyrar (síðar Flugfélag Íslands) var stofnað árið 1937. Árið 1945 var hann ráðinn skrifstofustjóri embættis flugmálastjóra. Sigurður varð framkvæmdastjóri Loftferðaeftirlits ríkisins árið 1956 og gegndi því embætti til sjötugsaldurs.

Main information

Dating
1929
Material
Object-related numbers
"Museumnumber b": 2021-4-11
Dimensions
22.7 x 14.1 x 0.5 cm Lengd: 22.7 Breidd: 14.1 Hæð: 0.5 cm
Place
Núverandi sveitarfélag: Reykjavíkurborg, Reykjavíkurborg
Record type
Collection
Undirskrá: Öndvegisstyrkur Undirskrá: Almenn munaskrá
Keywords
Keyword: Logbók