Strandgata/Hafnarstræti 1862
1885 - 1942
In preservation at
Reykjavík City Museum
Málverk eftir Jón Helgason: Strandgata 1862. Olíulitir á við.
Stærð: 29,5 x 48 sm. Stærð með ramma: 52 x 33,5 x 1,7 sm.
Myndefni: Horft vestur eftir Strandgötu (Hafnarstræti) árið 1862. Til vinstri er Möllershús, áður Jóskahúsið (nr: 16, sem enn stendur), þá Barnaskólinn, þá Knudtzonsverslun í þremur húsum, tvílyfta húsið í miðið er pakkhús verslunarinnar (Hafnarstræti 10-12), þar næst er Robbsverslun (Hafnarstræti 8), þá Brekkmannshús (Hafnarstræti 6), um þetta leyti í eigu Hannesar St. Johnsens. Háa húsið, sem snýr gafli í götu, er Verslun Hannesar St.Johnsens (Hafnarstræti 4) og stendur það enn, nokkuð breytt. Enn lengra er hið gamla faktorshús Brekkmannsverslunar (Veltusund1). Loks er Norska húsið (Aðalstræti 3). Fyrir enda götunnar er stórhýsi Tærgesens kaupmanns (Aðalstræti 2) sem enn stendur og hýsir Geysi. Pakkhúsið til hægri á myndinni(Pósthússtræti 2) var reist árið 1854 af Knudtzon kaupmanni.
Ferill, saga: Reykjavíkurborg eignaðist rúmlega hundrað Reykjavíkurmyndir Jóns Helgasonar árið 1945. Myndasafnið má telja upphafið að minjasafni Reykjavíkur og eru ómetanlegar heimildir um sögu borgarinnar. (Margrét Hallgrímsdóttir).
Æviágrip: Jón Helgason biskup var fæddur 21. júní 1866 að Görðum á Álftanesi. Tveggja ára gamall fluttist hann til Reykjavíkur ásamt foreldrum sínum, þeim Helga Hálfdánarsyni prestaskólakennara og Þórhildi Tómasdóttur. Að loknu stúdentsprófi 1866 sigldi hann til Kaupmannahafnar til guðfræðináms. Meðfram náminu fylgdi hann ráðleggingum föður síns og kynnti sér fagrar bókmenntir. Jafnframt segir Jón í ævisögu sinni: _En svo var annað, sem ég var sérstaklega hneigður fyrir og hafði verið það frá æsku, sem ég nú varði mörgum tómstundum til að iðka, en það var dráttlist. Mjög snemma Hafnarveru minnar hafði ég tekið að venja komur mínar á myndasöfn borgarinnar ... Þetta varð aftur til þess, að hjá mér vaknaði löngun til þess að fá tilsögn í dráttlist hjá góðum kennara og þar kom, að ég keypti mér tilsögn hjá norskum málara ... Louis Moe að nafni. ... Er mér óhætt að segja, að ég hefi aldrei iðrast þeirrar tafar frá lestrinum, sem af þessu leiddi, því að þótt mig aldrei hafi dreymt neina listamannsdrauma, þá hefir þetta dráttlistar-sýsl mitt búið mér fjölda ánægjustunda á ævinni, þótt aldrei yrði úr því annað en hjáverka-sýsl viðvanings.’’Árin líða, Jón lýkur námi og flytur til Íslands. Gerðist hann fyrst kennari í prestaskólanum en var síðan kosinn biskup árið 1917. Meðfram störfum sínum gaf hann sér iðulega tíma til að teikna og mála. Hann dregur upp nákvæmar myndir af Reykjavík og kirkjum landsins. Lítið hefur verið skrifað um myndir Jóns Helgasonar og kannski hefur fólk hneigst til að líta á þær sem sagnfræðilegar heimildir fyrst og fremst. Jón Helgason lést í Reykjavík árið 1942 eftir langt og farsælt ævistarf. (María Karen Sigurðardóttir)
Main information
Title
Proper noun: Strandgata/Hafnarstræti 1862
Dating
1885 - 1942
Material
Object-related numbers
Museumnumber a: ÁBS-2823
Dimensions
52 x 33.5 x 1.7 cm
Lengd: 52 Breidd: 33.5 Hæð: 1.7 cm
Place
Staður: Hafnarstræti 18, 101-Reykjavík, Reykjavíkurborg
Record type
Collection
Undirskrá: Kjörgripir
Keywords
References
Reykjavíkurmyndir Jóns Helgasonar. 1, Gamli miðbærinn. Guðjón Friðriksson tók saman. Árbæjarsafn, Íslandsmyndir. Reykjavík 1990.
Mappa; ÁBS 2807-ÁBS 2855. Jón Helgason.
Margrét Hallgrímsdóttir. „Kveðja frá Árbæjarsafni.“ Reykjavíkurmyndir Jóns Helgasonar. 1, Gamli miðbærinn. Guðjón Friðriksson tók saman. Árbæjarsafn, Íslandsmyndir. Reykjavík 1990.Reykjavík 1990.. Árbæjarsafn, Íslandsmyndir. Reykjavík 1990.
Mappa; Myndir.
María Karen Sigurðardóttir. Sýningarskrá. (Ljósrit). Sýning Lækjargötu. Árbæjarsafn 1998.
Skjalasafn Árbæjarsafns um Jón Helgason.
Place of origin
64°8'52.2"N 21°56'13.6"W