Veggskápur

In preservation at

Reykjasafn Heritage Museum

Gamall rauðmálaður veggskápur. Er skápurinn geirnegldur á öllum hliðum. Framhliðin er nokkuð stærri en hinar og skagar hún út úr. Á Köntunum eru skornir og málaðir rauðir og bláir ferningar til skiptis, með blárri rönd að utan, en hvítum lista að innan. Er þetta 3 cm. breiður rammi sem festur er meðfram köntum framhliðarinnar. Á miðri framhliðinni er hurðin og er hún á járnhjörum. Hurðin er af stærðinni 17 x 39 cm. Kanturinn er málaður breiðri svartri rönd og líka þvert yfir miðjuna, þannig að tvö hólf myndast. Eru þau máluð með grænni rönd hringinn. Siðan eru skornar og málaðar rauðar og hvítar langsum rendur, í miðjum hólfunum. Læsingin er orðin mjög ryðguð. Skápurinn hefur verið mjög skrautlegur, en hann er orðinn mjög snjáður. Skápurinn er talinn úr búi Vigfúsar Thorarensen sýslumanns á Hlíðarenda í Fljótshlíð, föður Bjarna skálds. Sigurbjörg Hansdóttir Hvammstanga gaf safninu gripinn.