Photography
01.01.1908
In preservation at
National Museum of Iceland
„Það er fengur að þessari mynd sem líklega tekin 1908. Á myndinni eru tvö skip sem komu ný 1908. Í baksýn er Faxaflóaskipið INGÓLFUR (sjá Íslensk skip 3, bls. 73. Þar vantar upplýsingar um endalok skipsins. Gufuvélin skemmdist af frosti Frostaveturinn mikla 1918 og var skipið þá selt til Noregs.) Í forgrunni er "ólukkufleytan" HRÓLFUR RE 123, (Íslensk skip 3, bls. 68. Þó með afar takmörkuðum upplýsingum.) Þetta var 24 brl vélbátur, smíðaður í Noregi, sem mikils var vænst af, en reksturinn gekk afar illa og höfðu fyrstu eigendur mikinn skaða af. Munu vélarbilanir líklega hafa valdið því. Einn eiganda var skipstjórinn Hrólfur Jakobsson (1878-1910) frá Illugastöðum á Vatnsnesi, V-Hún. Hrólfur hélt HRÓLFI úti til veiða allt árið og var það nýlunda þá um vélbáta. Varð hann einna fyrstur til að reyna netaveiðar á þilskipi hér við land, og einnig reyndi hann að veiða í botnvörpu á HRÓLFI. Eftir mikið fjárhagstjón flutti Hrólfur til Ísafjarðar, en þar drukknaði ásamt fjórum öðrum á litllum vélbáti 20. des. 1910. Vélbáturinn HRÓLFUR hverfur hinsvegar úr skrám uns hann kom fram á Ísafirði 1913, (þá skráður ÍS 354). Hann var þá með fyrstu "stóru" útilegubátunum sem stunduðu veiðar frá Sandgerði á vetrarvertíð, en siðar síldveiðar á sumrin. HRÓLFUR var svo aftur skráður RE 123 þegar hann fórst um 20. apríl 1916 fyrir Vestfjörðum og með honum 9 menn. Báturinn var þá á heimleið til Ísafjarðar af vetrarvertíð við Suðurland. Eigendur hans voru þá Helgi Sveinsson og Jóhannes Pétursson. (Sjá; "Vestfirskir slysadagar 18890-1940, síðara bindi", bls. 51-53 og 140-41).“ (BÞ 2020)
Main information
Dating
01.01.1908
Material
Object-related numbers
Museumnumber a: CBE-2299
Place
Núverandi sveitarfélag: Reykjavíkurborg, Reykjavíkurborg
Record type
Collection
Undirskrá: Christinn B Eyjólfsson (CBE)
Classification
References
Myndasöfn í Ljósmyndasafni Íslands í Þjóðminjasafni. Inga Lára Baldvinsdóttir og Halldór J. Jónsson tóku saman. Handrit 2020.