Hnappskeið
1722
In preservation at
National Museum of Iceland
Silfurskeið, svokölluð hnappskeið. Þetta er matskeið með nálægt því hringlaga blaði og mjóu, sívölu skafti. Á enda þess er hnappur, í líki akarns. Í blaðið innanvert er grafið blaðskraut en í það neðanvert grafinn laufkrans og innan hans stafirnir M•P•W (MPW) sem að líkindum eru upphafsstafir fyrsta eiganda skeiðarinnar. Skeiðin er 16,4 cm löng. Skaftið er tæpir 11 cm (þar af er hnappurinn 1,8 cm langur) og blaðið er um 5,5 cm langt, 5,5 cm breitt og 1,3 cm djúpt (að utanmáli). Skaftið er grennst upp við hnappinn, 0,3 cm í þvermál, en sverast næst blaðinu, 0,8 cm í þvermál.
Skeiðin er dönsk. Á skaftinu neðanverðu eru fjórir stimplar. Efst er borgarmerki Kaupmannahafnar, þrír turnar, og þar undir 73, sem táknar ártalið 1773. Næst er silfurvarðarstimpillinn P•N V•H (PNVH). Það er stimpill Peter Nicolai von Haven, sem var silfurvörður Kaupmannahafnar á árunum 1729-1749. Þriðji stimpillinn er smiðsstimpillinn CS 1722. Það er stimpill Christian Schrader (f. 1672, d. 1739), skartgripasmiðs og silfursmiðs í Kaupmannahöfn. Hann hefur því smíðað skeiðina árið 1722. Neðst er svo mánaðarstimpill tvíburamerkisins, II (stimpill sem notaður var á árabilinu 1676-1830), sem táknar tímabilið 22.5.-21.6. (22 maí til 21. júní). Það vekur athygli hversu langur tími er á milli ártalsstimplanna, þ.e. smiðsstimpilsins árið 1722, silfurvarðastimpilsins (1729-1749) og borgarmerkisins árið 1773.
Lítið eitt hefur eyðst fremst af blaðinu sökum notkunar. Af sömu ástæðum eru stimplar og gröftur orðnir nokkuð máðir. Annars er skeiðin í góðu ástandi.
Hún var í eigu Sveins Ólafssonar myndskera, en gefandi er Ólafur sonur hans. Sveinn lést eftir veikindi árið 2010 og stuttu fyrir andlátið sagði hann fyrir um að skeiðarnar nr. Þjms. 2012-1-1 og 2012-1-2 skyldu ganga til Þjóðminjasafnsins.
Main information
Dating
1722
Material
Object-related numbers
"Museumnumber b": 2012-1-1
Dimensions
16.4 x 5.5 x 1.3 cm
Lengd: 16.4 Breidd: 5.5 Hæð: 1.3 cm
Record type
Collection
Undirskrá: Munasafn
Keywords