Kjóll
1968 - 1969
In preservation at
Reykjavík City Museum
Kjóllinn er saumaður í Handavinnudeild Kennaraskóla Íslands, að öllum líkindum veturinn 1968-1969. Fatasaumur og sniðteikning var stór hluti námsins og saumuðu nemendur fjölbreyttan fatnað á sig og aðra. Allur fatnaður var unninn frá grunni. Búið var til snið út frá grunnsniði og gerðar þær breytingar sem þurfti. Það sem einkenndi fatasauminn á þessum árum var hve mikið var unnið í höndum.
Efnið í kjólnum er krep-gerviefni og fóðrið er mjúkt og lipurt fóðurefni (kjólafóður). Kjóllinn er aðskorinn, tvískiptur með saum í mittinu. Innfelldur mittislindi er í mittinu, hann er breiðari að framan en mjókkar að aftan. Framan á mittislindanum er útsaumað munstur. Útsaumsspor: Lykkjuspor og snúið lykkjuspor. Sjá munstur í lið b). Kjóllinn nær ekki alveg niður á hné. Hann er með síðum ermum og V hálsmáli að framan. Langur rennilás er á bakinu og er hann handsaumaður við kjólinn. Framstykkið er rykkt undir bakstykkið við öxlina, en axlasaumur nær aðeins yfir á framstykkið. Kjóllinn er fóðraður, en ekki ermar. Allir saumar eru sikk sakkaðir. Litlir axlasaumar eru við öxl á bakstykki. Sniðsaumar eru við mittislindann á blússunni, bæði á fram- og bakstykki, og brjóstsaumar á framstykki. Einnig eru sniðsaumar á ermum, við olnboga. Faldur neðan á kjól og framan á ermum er handsaumaður.
Kjólnum fylgir munsturteikning.
Munstur teiknað á A4 pappírsörk. Blýantsteikning þar sem búið er að fara ofan í línurnar með þekjulit, með örmjóum pensli. Munstrið framan á kjólnum í lið a) er unnið upp úr þessu munstri. Munstrið er teiknað í Munsturteikningu hjá Vigdísi Pálsdóttur, kennara (F.1924. D.2016) árið 1968 eða 1969 við Handavinnudeild Kennaraskóla Íslands.
Main information
Dating
1968 - 1969
Material
Object-related numbers
"Museumnumber b": 2017-36-13
Place
Staður: Kennaraskólinn, Stakkahlíð 1, 105-Reykjavík, Reykjavíkurborg
Record type
Collection
Undirskrá: Skólahandavinna - textíll
Keywords
Keyword: Kjóll
Place of origin
64°8'12.8"N 21°54'11.1"W