Go Back To Search
Do you know more?

Kápa, fatnaður

1968 - 1969
In preservation at
Reykjavík City Museum
Kápa unnin í Handavinnudeild Kennaraskóla Íslands veturinn 1968-1969. Fatasaumur og sniðteikning var stór hluti námsins og saumuðu nemendur fjölbreyttan fatnað á sig og aðra. Allur fatnaður var unninn frá grunni. Búið var til snið út frá grunnsniði og gerðar þær breytingar sem þurfti. Það sem einkenndi fatasauminn á þessum árum var hve mikið var unnið í höndum. Kápan er saumuð saman í saumavél og fóðrið einnig, en fóðrið er saumað við kápuna í höndum. Kápan er úr ullargaberdíni og fóðruð með satinfóðri (gervi). Listinn framan á kápunni er saumaður við rennilásinn í höndum, með grófu hexispori, en það hefði vel mátt gera það í saumavél. Kápan er frekar stutt, hún nær rétt niður á hné. Hún er útsniðin og með lokufalli að aftan til að ná bæði vídd og léttleika. Berustykki er bæði á fram- og afturstykki. Saumuð er frekar gróf vélsaumsstunga á listann að framan, einnig við sauma á berustykki og við kantinn á kraganum. Faldur neðan á kápu og framan á ermum er saumaður í höndum með hexispori undir faldbrún. Fóðrið framan á ermi er einnig handsaumað við ermina með hexispori. Kraginn nær að listanum að framan. Til að listinn gapi ekki frá er saumaður krókur undir listann og handsaumuð lykkja saumuð á vinstri boðung. Kápan var saumuð á móður gefanda. Í handavinnudeildinni var skylda að sauma á einhvern utanaðkomandi aðila til að fá þjálfun í að sauma aðrar fatastærðir, og að fá þjálfun í mátun. Kennari í sniðteikningu og fatasaumi var Sigríður Arnlaugsdóttir (F.1918. D.2007), en síðari hluta vetrar vorið 1969 tók Soffía Þórarinsdóttir (F.1922. D.2006) við kennslunni.

Main information

Dating
1968 - 1969
Material
Object-related numbers
"Museumnumber b": 2017-36-12
Place
Staður: Kennaraskólinn, Stakkahlíð 1, 105-Reykjavík, Reykjavíkurborg
Record type
Collection
Undirskrá: Skólahandavinna - textíll
Keywords

Place of origin

64°8'12.8"N 21°54'11.1"W