Hálsfesti

28.08.1891

In preservation at

"Frú Þ. Nielsen & Frökener S & M Nielsen". Ísafirði. Þórunn Nielsen (sitjandi), eiginkona Sophusar J. Nielsen verslunarstjóra á Ísafirði. Á bak við hana standa dætur Sophusar, Sophia Jörgina og María Hertha. Þórunn Gunnlaugsdóttir Blöndal Nielsen, f. 28. janúar 1868, d. 14. maí 1941. Foreldrar hennar voru Gunnlaugur Pétur Björnsson Blöndal sýslumaður (f. 1. júlí 1834, d. 1. maí 1884) og eiginkona hans Sigríður Sveinbjarnardóttir Blöndal (f. 1. desember 1835, d. 10. september 1913). Þórunn giftist Sophusi Jörgen Nielsen árið 1888, þegar hún var um tvítugt, en hann var 45 ára ekkill. Þau áttu saman 7 börn sem hétu: Charles Ásgrímur f. 1889, Firdtiof f. 1890, Gunnlaugur f. 1892, Sigríður f. 1894, Valborg f. 1897, Hjörtur f. 1898, Einar f. 1899. Fyrir átti Sophus Jörgen dæturnar Sophiu Jörginu, Maríu Herthu og Ásu. Þórunn bjó með Sophusi manni sínum og börnum á Ísafirði, en hann lést árið 1905. Árið 1908 flutti hún til Reykjavíkur og bjó hún með börnum sínum og móður í Pósthússtræti árið 1910 og í manntali 1930 bjó hún að Ránargötu. Hún lést í Reykjavík árið 1941. Sophia Jörgina Nielsen Holm fæddist 2. desember 1866. Faðir hennar var Sophus Jörgen Nielsen verslunarstjóri á Ísafirði (f. 11. mars 1843, d. 13. október 1905). Móðir hennar hét Helga Jóhanna Magnúsdóttir (f. 25. júní 1831, d. 20. október 1913) og var fráskilin yfirsetukona á Ísafirði. Sophus og Helga Jóhanna höfðu átt saman aðra dóttur árið 1865, sem hét Rannveig, en hún lést árið 1885. Sophia giftist Sophusi Hendrik Holm (f. 21. maí 1857, d. 1. júlí 1951), verslunarmanni og síðar verslunarstjóra Ásgeirsverslunar á Flateyri. Þau áttu 6 börn sem náðu fullorðinsaldri. Þau hétu: Jörgen Sophus Holm (f. 1899, d. 1997), Helga Marie Holm Buch (f. 1895, d. 1969), Vilhelm Sophus Holm (f.1896, d. 1988), Ásgeir Guðmundur Holm (f. 1897), Gunnlaugur Pétur Holm (f. 1901, d. 1984), og Adolf Lauritz Holm (f. 1904, d. 1976) Sophia og Sophus bjuggu lengst af á Flateyri en fluttu síðar til Reykjavíkur. Sophia lést þar árið 1937. María Herta Nielsen, f. 25. apríl 1874, d. 1952. Húsfreyja á Flateyri. Foreldrar: Sophus Jörgen Nielsen verslunarstjóri á Ísafirði (f. 11. mars 1843, d. 13. október 1905) og María Ásgrímsdóttir ( f. 28. apríl 1847, d. 27. september 1886). Eiginmaður: Magnús B. Guðmundsson snikkari frá Flateyri, Önundarfirði. María giftist Magnúsi árið 1898 og fluttu þau þá til Flateyrar. Hann lést árið 1911. María bjó í Kjartanshúsi í Mosvallahreppi árið 1920 ásamt 3 börnum sínum. Hún lést árið 1952 og var jarðsett í Eyrarkirkjugarði á Ísafirði. Börn þeirra Maríu og Magnúsar: Ingólfur Garðar Magnússon, (f. 1899), Gunnlaugur Pétur Nielsen Guðmundsson (f. 1902, d. 1923), Guðmundur Magnússon (f. 1903, d. 1924), Torfi Sophus Magnússon (f. 1906), Lovísa Rannveig Guðmundsdóttir (f. 1908) og Bergljót María Guðmundsdóttir (f. 1900, d. 1909).