Bytta Björns dasks

1870 - 1880

In preservation at

Smábátur, bytta úr eigu Björns Guðmundssonar, sem kallaður var "daskur" eða "daskari" og var hann uppi 1830 - 1907. Báturinn er 4,30 m. langur súðbyrtur með gafli að aftan. Breiðastur er hann um miðjuna 1,40 m. Að aftan mjókkar hann lítið og er þar 85 cm. breiður. Böndin eru 12 og eru vanalega um 30 cm. á milli þeirra. Í böndunum er skora fyrir langýsuna, sem er mjög lítil. Þófturnar eru 3 festar með venjulegum kollhörðum. Keipastokkurinn er af venjulegri gerð, en nokkuð lítill. Keiparnir eru nýir og eru þær úr járni. Árarnar eru nokkuð eldri, enda passa þær ekki í keipana. Aftur í skut er set og er það seinni tíma smíð. Báturinn er tjargaður nýlega og lítur ágætlega út sem sýningargripur, en ófær til sjóferða. Þeir lausahlutir sem fylgja bátnum fyrir utan árarnar, eru krókstjaki, ausa og goggur. Björn "daskur" bjó um hríð í Guðlaugsvík í Hrútafirði, en átti lengi heima á Kárastöðum á Vatnsnesi. Hann var þekktur fyrir ferðir sínar milli Stranda og Vatnsness, sem hann fór á þessum báti, venjulega einn. Á Ströndum keypti hann harðfisk, hákarl, sái, fötur og önnur ílát, sem hann seldi síðan inni í sveitum fyrir landvörur, tólg, smér, vaðmál og annað, sem Strandamenn vanhagaði um og hann seldi síðan norður þar. Báturinn mun vera smíðaður á árunum 1870 - 80 og er gefinn safninu af Guðmundi Guðmundssyni í Grafarkoti V - Hún.