Logbók
1960
In preservation at
Icelandic Aviation Museum
Logbók flugvélarinnar TF-HIS, Cessna 180. Bókin er tíunda logbók vélarinnar, rauð að lit og með mjúkri kápu. Á hana er prentað með svörtum stöfum: "Engine Log". Yfir það hefur verið strikað og skrifað fyrir ofan og neðan: "Aircraft Log TF-HIS". Einnig er handskrifað á hana: "Frá 25/11-1960 til 3/7-1963" og "TF-HIS #8".
Fyrsta og síðasta færsla bókarinnar stemmir við skráningu á kápu bókarinnar. Tilgreindir eru brottfarar- og lendingarstaðir í bókinni og eru 324 flug skráð í bókina. Þá eru skráðar skoðanir og viðgerðir í hana auk þess sem tvö lofthæfivottorð, dagsett annars vegar 3. maí 1962 og 7. nóvember 1962 hins vegar, bæði stimpluð af Loftferðaeftirliti ríkisins, eru límd inn í bókina.
TF-HIS Cessna 180 var smíðuð árið 1953 og var skrá á Íslandi 24. mars 1954. Hún var skráð á Flugþjónustu Björns Pálssonar sem sérhæfði sig í sjúkraflugi á þessum tíma. TF-HIS var búin til sjúkraflugs með sérstökum sjúkrabörum. Hún flaug um 150 sjúkraflug á ári þau 20 ár sem hún var í notkun. Á veturna var hún búin skíðum. Árið 1960 keypti Flugþjónustan öflugri sjúkraflugvél af gerðinni Beech Twin Bonanza, TF-VOR. Eftir það var TF-HIS aðallega notuð þegar aðstæður voru þannig að TF-VOR gat ekki athafnað sig. Vélin komst í eigu sonar Björns, Sveins Björnssonar, sem síðar seldi hana til Flugklúbbsins Þyts 1999. Icelandair keypti vélina af Þyt árið 2015 og gaf Flugsafninu.
TF-HIS er til sýnis í Flugsafninu.
Main information
Björn Pálsson, Used by
Dating
1960
Material
Object-related numbers
"Museumnumber b": 2020-2-9
Dimensions
18.3 x 10.6 x 0.4 cm
Lengd: 18.3 Breidd: 10.6 Hæð: 0.4 cm
Place
Núverandi sveitarfélag: Reykjavíkurborg, Reykjavíkurborg
Record type
Collection
Undirskrá: Styrkverkefni-Safnasjóður
Undirskrá: Almenn munaskrá
Keywords
Keyword: Logbók