Flugvél
1953
In preservation at
Icelandic Aviation Museum
TF-HIS Cessna 180 er smíðuð árið 1953 og var skráð á Íslandi 24. mars 1954. Vélin var lengst af í eigu Flugþjónustu Björns Pálssonar, sem var brautryðjandi í sjúkraflugi og var TF-HIS þriðja flugvélin sem hann nýtti til sjúkraflugs. Áður hafði hann flogið K.Z.III vélinni TF-KZA og Auster Mk.5 TF-LBP, en sú síðarnefnda var fyrsta sérútbúna sjúkraflugvél landsins með sérstökum sjúkrabörum.
Flugþjónusta Björns Pálssonar og Slysavarnafélag Íslands keyptu TF-HIS í lok árs 1953 og kom hún til landsins 1954. Hún var líkt og TF-LBP með sérútbúnum sjúkrabörum og rými fyrir einn farþega að auki. Á vetrum var hún búin skíðum.
Árið 1960 keypti Flugþjónustan enn öflugri sjúkraflugvél, Beechcraft Twin Bonanza TF-VOR. Eftir það var TF-HIS aðallega notuð þegar aðstæður voru þannig að nýja vélin gat ekki athafnað sig.
Björn Pálsson lést á sviplegan hátt þegar TF-VOR fórst vegna gríðarlegrar ísingar yfir Búrfjöllum þann 26. mars 1973.
Eftir andlát Björns var TF-HIS í eigu sonar hans Sveins, sem rak áfram Flugþjónustuna. Árið 1999 seldi Sveinn vélina flugklúbbnum Þyt og unnu félagar hans mikið starf við endurnýjun vélarinnar og var hún gerð flughæf á nýjan leik.
Icelandair keypti TF-HIS af Þyt í lok árs 2014 og gaf safninu formlega þann 4. mars 2015. Hafði vélinni þá ekki verið flogið um hríð og þarfnaðist hún töluverðs viðhalds til þess að gera mætti hana sýningarhæfa en ekki stendur til að hún verði gerð flughæf á ný.
Undanfarin ár hefur verið unnið að því að gera TF-HIS sýningarhæfa og var því verki lokið í byrjun mars 2021. Flugvélin er til sýnis í safninu.
Main information
Björn Pálsson, Used by
Dating
1953
Material
Object-related numbers
"Museumnumber b": 2020-2-1
Dimensions
7.85 x 10.92 x 2.36 m
771 kg
Lengd: 7.85 Breidd: 10.92 Hæð: 2.36 m
Place
Núverandi sveitarfélag: Reykjavíkurborg, Reykjavíkurborg
Record type
Collection
Undirskrá: Styrkverkefni-Safnasjóður
Undirskrá: Almenn munaskrá
Keywords
Keyword: Flugvél