Beinagrind

01.01.1915 - 01.01.1920

In preservation at

Steinkudys var staður á Skólavörðuholti í Reykjavík, þar sem morðinginn Steinunn Sveinsdóttir var dysjuð eftir að hún lést í fangelsi á Arnarhóli 31. ágúst 1805. Hún var ásamt Bjarna Bjarnasyni sek um morðin á Sjöundá. Ummerki um Steinkudys sáust allt fram á 20. öld. Þegar grjótnám hófst á holtinu vegna framkvæmda við Reykjavíkurhöfn fannst trékista með illa fúnum beinum. Þau voru tekin upp og grafin í vígðri mold í Hólavallagarði en grjótið úr dysinni væntanlega flutt í hafnargarðana. Blöðin í bænum fluttu fréttir af því þegar bein Steinunnar voru flutt í Hólavallakirkjugarð og Vísir var þar fremst í flokki og flutti ítarlegar greinar um málið dag efrir dag í janúarmánuði 1915 og voru dramatískar lýsingar á því hvernig Steinunn hefði litið út í lifanda lífi. Sagt frá því að hún hafi verið fluggáfuð, viðkvæm og glaðlynd og fólki fannst hér væri um eins konar ástarjátningu að ræða. Ritstjóri Vísis á þessum tíma var Gunnar Sigurðsson frá Selalæk og var því teiknuð skopmynd af honum og Steinunni að því tilefni.