Bræður

01.01.1952 - 01.01.1958

In preservation at

Bræðurnir Ragnar og Jón Stefánssynir við kolagerð í Skaftafelli í Öræfum. Ljósmynd tekin af Vigfúsi Sigurgeirssyni í tengslum við kvikmyndir sem Kvikmyndasjóður Skaftfellinga lét gera á árunum 1952-1958 í Skaftafellssýslum og fjalla um horfna atvinnu-, menningar- og lifnaðarhætti auk kynningar á byggðarlögum og landslagi í sýslunum. Myndirnar greina m.a. frá meltekju og kolagerð, sem þá voru með öllu horfnir atvinnuhættir, um fýlatekju, fiskveiðar í sjó og vötnum, samgöngur á sjó, í lofti og á landi, bústörf fyrir daga vélvæðingar og kvöldvökuna sem kölluð hefur verið eins konar háskóli landsins. Myndirnar tóku Vigfús Sigurgeirsson ljósmyndari og Ósvaldur Knudsen kvikmyndagerðarmaður. Þær eru 9 að tölu og eru frá 10 til 36 mínútur að lengd. Myndirnar eru með íslensku tali sem var flutt og samið af Jóni Aðalsteini Jónssyni, cand. mag.