Myndarammi
1902 - 1904
In preservation at
Skagafjörður Heritage Museum
Tréhús úr furu, gert aðallega úr kassafjölum og er í senn myndarammi og geymsla fyrir bréf. Stærð alls um 60 x 34,5 cm. Á framhlið hússins eru 27 gluggar sem eru notaðir sem myndarammar, auk þriggja lítilla glugga efst. Húsið er marglitt og með allri húsaprýði. Þak er dökkgrátt, veggir dökkbrúnir, kjallari grár, gluggaumgjarðir okkurgult og listar grænir. Pallur og stakket umhverfis húsið eru græn og er gulur hattur á stakketunum.
Húsið er sjálft 55,5 x 27 cm. Á bakhlið hússins er hleri með krosslistum, tvílitur (grænn og svartur). Á hægri enda (framan frá séð) er verönd með tveimur gluggum með lituðu gleri (rautt, grænt og blátt) einnig eru á þeim svalir og dyr. Stakket er allt í kringum ,,garðinn" eins og áður hefur komið fram. Á vinstri enda eru tröppur upp og dyr.
Húsið er smíðað rétt eftir aldamótin 1900, sennilega úr kassa utan af saumvél og er það allt skorið út með vasahníf. Í myndarömmunum eru vinir og vandamenn Páls Gísla Stefánssonar sem gerði húsið.
Svanhildi Steinsdóttur í Ási minnti að Páll hefði haft eitthvert sérstakt hús sem fyrirmynd, hún mundi ekki hvað hús. Sennilega hefur fyrirmyndin þó verið gamla skólahúsið á Hólum í Hjaltadal en það brann á þriðja áratugnum (1920-1929). Allt verkið er að verða lélegt og eru nokkrir listar farnir.
Main information
Dating
1902 - 1904
Material
Object-related numbers
Museumnumber a: BSk-1707
"Museumnumber b": 1994-7
Dimensions
60 x 34.5 cm
Lengd: 60 Breidd: 34.5 cm
Place
Staður: Ás 1, 551-Sauðárkróki, Skagafjörður
Exhibition text
Sýningatexti úr Áshúsi
"Myndarammi úr saumavélakassa
Tréhúsið (BSk 1994:7) er í senn myndarammi og geymsla fyrir bréf og myndir, smíðað af Páli Gísla Stefánssyni (f. 1884) frá Efra-Ási í Hjaltadal, upp úr aldamótunum 1900. Hann fékk kassa, sennilega utan af saumavél, og skar húsið út með vasahnífnum sínum. Þarna hýsti hann vini og vandamenn. Mynd af honum sjálfum er í neðstu röð til hægri. Fyrirmyndin að húsinu mun vera gamla skólahúsið á Hólum í Hjaltadal, en það brann á þriðja áratugnum."
Record type
Collection
Undirskrá: Almenn munaskrá
Keywords
Place of origin
65°41'48.8"N 19°26'31.1"W