Rúm

1948 - 1950

In preservation at

Rúmskápur úr furu, málaður brúnn. Tvær hurðar virðast vera á framhliðinni og skúffa, en hvoru tveggja er aðeins til að sýnast, því framhliðin er í raun rúmbotn, hún er á hjörum neðst og fellur fram þegar togað er í. Spjöldin á “skáphurðunum", eru gulveðruð. Framan á ,,skáphurðunum" og “skúffunni” eru skráarlauf úr messing. Hæð er 173 cm, breidd er mest 81 cm, minnst 72 cm. Dýpt er mest 51 cm. Við fyrstu sýn virðist húsgagnið vera venjulegur skápur, en þegar betur er að gáð kemur í ljós að sé losað um klinku ofan á skápnum og togað fram “skrautlista” sem leggjast að hornum skápsins að framanverðu, þá leggst framhliðin niður og úr verður rúm en skáphlutinn sem eftir stendur er eins konar höfuðgafl sem klæddur er að innan með appelsínugulum líndúk og eru krosslagðar fjalir á baki. Mjög hentugt þar sem þrengsli eru mikil.