Sófi

1912

In preservation at

Tvíbreiður sófi úr harðviði, lakkaður, með grænu sléttu bómullaráklæði. Mesta breidd er 128 cm. Hæð á bak er 101 cm og hæð á arma er 67 cm. Framfætur eru renndir, einnig armstykkið upp að framan. Armarnir eru klæddir grænu flaueli og útskornir fremst. Fætur að aftan eru beinir og lítið eitt sveigðir, kantaðir og eru í einu tré upp bakið. Grindin er úr köntuðu tré, sem og baksláin, sem er spónlögð að framan. Sófinn er allur klæddur og upp á bak með grænu sléttu flaueli og snúrulagður að utan með dökkgrænni snúru. Mynstrið í sófanum er gert með ljósdrapplitri snúru eða mjóum borða. Tvö blóm eða lauf eru á setunni og borðar lagðir þvers og kruss og á bakinu eru sömuleiðis laufblöð sitt hvoru megin við borðatengda blómakörfu. Með sófanum fylgdu fjórar stólar nr. 2005:66. Pétur H. Ólafsson sagði sófasettið, þ.e. sófann og stólana, hafa verið keyptir á uppboði á Víðimýri, sennilega 1912, en það ár giftu amma hans og afi sig, þau áttu sófann alla sína búskapartíð. Ekkert opinbert uppboð var haldið á þessum tíma á Víðimýri en ekki er loku fyrir það skotið að það hafi verið á einkaeigum ábúenda þar. Jafnvel frá því um eða fyrir aldamót. Þótt útlitslega sé það hæpið.