Go Back To Search
Do you know more?

Faldur

1870 - 1880
In preservation at
Skagafjörður Heritage Museum
Faldbúningur (skautbúningur) með tilheyrandi belti, koffri, faldi og slæðu. Treyjan er úr svörtu klæði með svörtum flauelskraga sem nær niður í beltisstað. Líningar eru einnig úr svörtu flaueli, svo og mjóir borðar á öxlum og baki. Á kragann og líningarnar eru baldýraðir blómsveigar með silfurvír, svo og baldýraðir bekkir á flauelsborðunum. Pilsið er úr sama efni og treyjan, um 102 cm sítt (skósítt) og neðst á því er gulgrænn flauelsborði. og ofan við hann skatteraður grænn blómsveigur, allstór, umhverfis pilsið. Á blómunum eru litlir rauðar doppur.  Hvort tveggja er það úr fíngerðu ullarbandi. Neðst er pilsið fóðrað með röndóttu lérefti. Beltið er stokkabelti. Stokkarnir eru úr silfri, 10 að tölu, 2,2 cm  x 5 cm og saumaðir á svart flauel, og er nokkurt bil á milli þeirra. Þeir eru smíðaðir, og á þeim víravirkissveigar. Í miðju er kringlóttur silfurskjöldur, 4,4 cm í þvm.  og með víravirki í sama stíl og stokkarnir. Beltið  er vel smíðað, en engin stimpill er sjáanlegur á því. Það er saumað fast við treyjuna. Koffrið er pressað úr silfri og gyllt. Liðirnir eru 15, fremstri liðurinn 4,7 cm hár og líkastur lilju. Hinir liðirnir eru 3,1 cm langir og líkt og fjögur samsett laufblöð hver nema endaliðirnir sem eru lengri og samsettir úr fimm laufum. Liðirnir eru festir saman með hlekkjum en lásinn vantar, lengdin er alls 42 cm. Faldurinn er nýr, úr hvítu silki og um 15 cm hár og beygist krókurinn fram. Slæðan er úr hvítu netofnu efni með ísaumuðum blómabekk, um 70 x 90 cm, en orðin götótt og léleg. Að öðru leiti er búningurinn í góðu lagi og hinn vandaðasti. Búningurinn var áður í eigu Helgu Hjálmarsdóttur húsfreyju í Bakkakoti í Vesturdal (f. 1847, d. 1916) og er gefinn safninu af Huldu Guðríði Björnsdóttir. Helga Hjálmarsdóttir var móðuramma Huldu. Faldurinn er gerður og gefinn af frú Guðbjörgu Kolka læknisfrú á Blönduósi árið 1960, sá gamli var ónýtur.

Main information

Dating
1870 - 1880
Material
Object-related numbers
Museumnumber a: BSk-131
Place
Staður: Bakkakot, Skagafjörður
Record type
Collection
Undirskrá: Almenn munaskrá
Keywords
Keyword: Faldur
Keyword: Faldbúningur
Keyword: Koffur
Keyword: Pils
Keyword: Skautbúningur
Keyword: Slæða
Keyword: Stokkabelti
Keyword: Treyja
Keyword: Þjóðbúningur

Place of origin

65°20'45.7"N 19°5'42.9"W