Photo: Byggðasafn Skagfirðinga

Photo: Byggðasafn Skagfirðinga

Photo: Byggðasafn Skagfirðinga

Photo: Byggðasafn Skagfirðinga

Order a photo Terms of Use

Afþreying

1940 - 1950

In preservation at

Skagafjörður Heritage Museum

Leikfangið/dægradvölin heitir ,,fjölkunnugur fleinn". Hún er gerð úr tveimur litlum tréþynnum, 5,2 x 9,2 cm að stærð, sem festar eru saman með þremur þunnum skinnræmum, einni á miðju og einni við hvorn enda, og er hægt að leggja þær saman og ljúka upp eins og bók á tvo vegu. Tréþynnurnar eru lakk- eða fernisbornar. Lítil skinnpjatla (fleinninn) fylgir, og liggur hún ýmist á bak við eina eða tvær skinnræmur eftir því á hvorn veginn plötunum er lokið upp. Eins konar „galdraverk“. Leikfangið er nýlegt en gerðin má vera gömul. Dægradvölin kemur frá Guðmundi Ólafssyni í Ási í Hegranesi, 1943. Galdraþulan sem notuð er við fjölkunnugan flein er svo: Fjölkunnugur fleinn farðu nú undir einn, Viljirðu ekki svo þá víktu þér undir tvo styngi þig strá þá styngdu þér undir þrjá Leik ég við þig löngum liggðu nú undir öngum. Svo segir Sigurður Ólafsson safnvörður frá Kárastöðum í aðfangabók 1969. Umsögn um þetta leikfang, sem og þula eru í bók Ólafs Davíðssonar um Leiki og þulur. /Sigr.Sig.2002.