Knipplingapúði
1850 - 1900
In preservation at
Skagafjörður Heritage Museum
Knipplingaskrín úr furu. Það er nokkurs konar kassi, ferstrendur, hallandi að ofan, að öðrum gaflinum og er þar klætt dökkbláu vaðmáli og er stoppað með ull undir. Kassinn er 19,3 x 24 cm og hæð hans að framan 21 cm en að aftan 5 cm. Botn og lok stendur hvort tveggja út fyrir hliðar og gafla.
Framan á skríninu er lítil skúffa og yfir skúffunni annað lok og þar fyrir innan lítið geymsluhólf. Fram úr skríninu að ofan ganga tveir klampar og er á milli þeirra sívöl rúlla með tannhjóli á úr látúni og stoppara úr eirvír, og getur rúllan einungis snúist á annan veginn. Í rúlluna er sporaður tígull og hringur boraður ofan í.
Skrínið er málað dökkgrænt, en sér sums staðar í ljósgræna málningu undir. Rúlla og klampar eru ómáluð. Áklæðið er gatslitið og leðurrönd, sem hefur verið negld umhverfis, er að mestu af nú.
Skríninu fylgja 16 knipplingakefli, 7,9-9,2 cm löng, öll úr furu nema eitt sem er ef til vill úr eik. Þau eru tálguð og óvönduð og tvö brotin.
Skrínið var í eigu Sigurlaugar Gunnarsdóttur í Ási í Hegranesi (1828-1905) og kom til safnsins frá Völlum, en óvíst hvenær.
Main information
Sigurlaug Gunnarsdóttir, Used by
Dating
1850 - 1900
Material
Object-related numbers
Museumnumber a: BSk-13
Dimensions
24 x 19.3 x 21 cm
Lengd: 24 Breidd: 19.3 Hæð: 21 cm
Place
Staður: Ás 1, 551-Sauðárkróki, Skagafjörður
Record type
Collection
Undirskrá: Almenn munaskrá
Keywords
Place of origin
65°41'48.8"N 19°26'31.1"W