Photo: Byggðasafn Skagfirðinga

Photo: Byggðasafn Skagfirðinga

Photo: Byggðasafn Skagfirðinga

Photo: Byggðasafn Skagfirðinga

Order a photo Terms of Use

Útskurður

1830 - 1870

In preservation at

Skagafjörður Heritage Museum

Þilkistan er úr furu, hæð 29 cm, lengd um 29 cm, breidd 13 cm. Framhliðin er mun lægri en bakið, um 17,5 cm. Kistan er opin að ofan og þar er hirsla fyrir smádót. Gaflar eru bogasagaðir og efst á baki gat til að hengja kistuna á nagla. Neðst í henni er lítil skúffa. Framhliðin er öll útskorin, tveir teinungar vaxa upp frá miðju og sveigjast út til hliðanna. Efst í miðju er einskonar liljublað og undir því líkast hjarta og er skurðurinn sammiðja. Á skúffuna er skorið með latneskum skrifstöfum M P D A og enda stafkrókarnir í liljum og teinungum. Utan um skurðinn eru ávalir listar, nema að ofan. Kistan er ómáluð, önnur hliðin nokkuð rifin, efri fjölin í framhliðinni er sprungin og minni parturinn festur með járnnöglum, en annars er kistan trénegld. Kistan er talin vera gerð af Hjálmari Jónssyni skáldi frá Bólu. Hún kemur frrá Árna Sveinssyni á Kálfsstöðum, 1942. Viðbót: Ólafur Sigurðsson (1822 - 1884) bóndi í Langhúsum í Viðvíkursveit lét smíða kistuna handa konu sinni Margréti Pálsdóttur (1820 - 1890) snemma á þeirra búskaparárum. Eftir hana eignaðist kistuna Helga dóttir þeirra, sem bjó á Litla-Hóli í Viðvíkursveit. Sigurjón Sveinsson frá Byrgisskarði endurtók þetta við skrásetjara nýlega (Sigríður Sigurðardóttir 11.11.2002), en hann hafði sagt það áður við Kristján Runólfs sem ritaði það hjá sér. Hann sagði og að Margrét Pálsdóttir hefði einnig átt útskorna rúmfjöl sem skorin var af sauðamanni í Viðvík og voru upphafsstafir hennar, MPD, á fjölinni.