Fatagerð

1817 - 1902

In preservation at

Hnappagataspaði eða hneppslujárn með blaði úr járni eða stáli, en meginhlutinn er úr kopar, handfang er efst úr tré. Lengd járnsins er 13,6 cm alls. Blaðið er ferstrent, eggin er 2,8 cm löng og bogadregin en óvíst er hvort eggjar hafa einnig verið á hliðunum, sem eru um 2 cm langar. Upp úr blaðinu gengur tangi sem skrúfaður er neðan í miðhlutann. Neðan til er hann gagnskorinn líkt og öfugt hjarta og þar ofan við koma tvö augu til að hafa í fingur er unnið var með járninu. Breiddin þar er um 5,4 cm. Tangi gengur upp í handfangið og eru sorfnar hvilftir í hann neðan við það. Handfangið er rennt og mjókkar til endanna; lengd þess er 8,1 cm. Blaðið er ryðgað og situr skakkt í, handfangið er laust á og kroppað úr því víða. Hneppslujárnið var smíðað af Jóni Árnasyni (f. 1817, d. 1902) og var í eigu dóttur hans Nikólínu húsfrú í Marbæli. Mun komin þaðan til safnsins en óvíst hvenær.