Verkfærakista

1925 - 1930

In preservation at

Verkfærakista Snorra Mikaelssonar, smíðuð af honum sjálfum. Verkfærakista úr tré. Grænmáluð. Er með tréhandföngum á hliðum. Lok í fláa. Þrjár skúffur að innan. Á kistunni er hespa fyrir lás. Jón Anton Snorri Mikaelsson (f.18.07.1901 – d.18.02.1972) sem kallaður var Snorri Mikaelsson í daglegu tali, var smiður og byggingarmeistari frá Siglufirði. Hann vann m.a. um áratugaskeið hjá Síldarverksmiðjum ríkisins á Siglufirði á 5. og 6. áratug 20.aldar. Snorri kvæntist Cecilie Sofie Hjelvik Mikaelsson (f.24.04.1912 – d.24.02.2009) í Reykjavík hinn 17. júní 1937 og fluttust þau til Siglufjarðar þar sem þau bjuggu til ársins 1961. Þar bjuggu þau við Aðalgötu 13, en meðfram smíðavinnu þá starfaði Snorri sem prestur hjá Sjöunda-dags aðventistum en um miðjan fjórða áratug 20. aldar sótti hann trúboðsskóla aðventista í Noregi, en það var einmitt þar sem hann kynntist Cecilie, konu sinni. Árið 1961 fluttust þau hjónin til Hlíðardalsskóla í Ölfusi, þar sem Cecilie vann sem forstöðukona og hann staðarsmiður.