Hlóðapottur

1850

In preservation at

Pottur úr steypujárni (potti). Hann er 63,5-64 cm víður við barma og um 38,5 cm djúpur og með venjulegu hlóðapottslagi. Þrír fætur eru undir botninum og götin á eyrunum eru sem hálfhringur að lögun. Potturinn er allryðgaður, en á honum er enginn hlemmur. Potturinn er sagður um 100 ára gamall (1958) og var fluttur nýr á reiðingshesti frá Akureyri og vestur í Blönduhlíð. Potturinn er gefinn safninu 1958 af Hjálmari Sveinssyni Syðra-Vatni og var áður í búi Sveins föður hans.