Hirsla, húsmunur

1774 - 1775

In preservation at

Stokkur úr furu, geirnegldur á hornum, 16,7 x 28,2 cm að stærð og 12 cm hár. Lokið er á tappahjörum, en annar tappinn nú brotinn, og fellur það ofan í stokkinn, en listar eru negldir innan í kistilinn undir það. Á því er látúnstippi. Víða er stokkurinn sprunginn, en límdur saman eða spengdur, en vantar þó flís í lokið mitt. Stokkurinn er málaður ljósgrænn og á hliðum, göflum og loki er eins konar „rósamálning“, sveigar og strik með grænum og hvítum lit. Ofan á lokið er málað með rauðu og hvítu fangamarkið IID og á framhlið með sömu litum Anno 1775. Stokkurinn er prýðisvel gerður og ber hann allur glögg einkenni málarans, sem er Jón Hallgrímsson í Kasthvammi í Þingeyjarsýslu (f. 1739, d. 1808). Botninn er nýrri, og á bakið er krotað með nagla, eða því um líku, nafnið Valgerður.