Veggspjald, skráð e. hlutv.
1996 - 2000
In preservation at
National Museum of Iceland
Samanbrjótanlegt hópslysaspjald úr þykkum pappa, appelsínugult á lit. Að framanverðu er merki: „Sjúkrahús Reykjavíkur“ og „HÓPSLYS“ með stórum, svörtum stöfum. Spjaldið er hengt upp samanbrotið með tveimur, hvítum reimum. Inni í spjaldinu eru plastvasar fyrir fjögur A4 blöð, tveir á hvorum helmingi spjaldsins. Í efri hlutanum eru tvö blöð: „Lestu þetta fyrst“ og upplýsingar um hópslysaáætlun. Í neðri hlutanum, vinstra megin, er auður vasi en hægra megin óútfyllt skráningarblað.
Eftirfarandi upplýsingar um hópslysaspjaldið veitti Jón Baldursson, yfirlæknir:
„Upp úr 1990 lét framkvæmdastjórn Borgarspítalans endurskoða hópslysaáætlun sjúkrahússins sem fram til þess tíma hafði rúmast í lítilli möppu í A5-broti og verið mjög almenns eðlis. Reynslan hafði leitt í ljós að á ögurstundu yrði starfsfólk að hafa aðgang að ýtarlegri hjálpargögnum en þar var að finna. Jafnframt þótti ljóst að þegar til kastanna kæmi væri of seint að fara að lesa sér til um hvernig haga skyldi viðbúnaði, frekar væri þörf á hjálpargögnum eins og gátlistum sem strax væri hægt að grípa til og fara að vinna eftir. Var því ráðist í að útbúa slík vinnugögn, sem að hluta til þurfti að klæðskerasníða fyrir hverja deild spítalans, og skyldi þeim komið fyrir í veggspjöldum sem útbúin voru eftir eldri fyrirmynd frá Almannavörnum ríkisins. Þessari vinnu vatt fram á næstu árum og sú útgáfa af spjaldi sem hér liggur fyrir er til komin eftir að Borgarspítali og Landakotsspítali sameinuðust undir nafni og merki Sjúkrahúss Reykjavíkur 1996-2000.
Veggspjaldið er eins konar mappa sem opna má með einu handtaki og á að innihalda fjögur lykilgögn:
„Lestu þetta fyrst“. Stuttorðar og hnitmiðaðar leiðbeiningar á einni blaðsíðu um grundvalalratriði hópslysaviðbúnaðar og hjálpargögnin í spjaldinu.
Kafli úr hópslysaáætlun fyrir viðkomandi deild eða starfseiningu.
Listi yfir nöfn og símanúmer starfsfólks.
Yfirlitsblað um sjúklinga, eyðublað ætlað til að fylla út og hafa yfirsýn á hverri deild.
Eftir að sjúkrahúsin á höfuðborgarsvæðinu sameinuðust í núverandi háskólasjúkrahús um síðustu aldamót hélt þróun þessara vinnubragða áfram og var fljótlega færð í rafrænt horf. Öll gögn viðbragðsáætlunar urðu þá aðgengileg á svipstundu á hverri einustu tölvu spítalans. Þar með var ekki lengur þörf á veggspjöldunum góðu en minn ágæti starfsbróðir og forveri í starfi, Niels Chr. Nielsen, varðveitti alltaf þetta eintak.“
Main information
Dating
1996 - 2000
Material
Object-related numbers
"Museumnumber b": 2019-75
Place
Núverandi sveitarfélag: Reykjavíkurborg, Reykjavíkurborg
Record type
Collection
Undirskrá: Munasafn
Keywords
Keyword: Veggspjald, skráð e. hlutv.