Ferðakista
In preservation at
National Museum of Iceland
Ferðakista sem var í eigu Einars Arnórssonar (f. 1880, d. 1955) og konu hans Sigríðar Þorláksdóttur Johnson (f. 1877,d. 1960) og var notuð á námsárum hans í Danmörku til 1906. Gefandi kistunnar er barnabarnabarn þeirra hjóna.
Kistan er brún að lit og í góðu ásigkomulagi. Hún er klædd að utan með strigaefni sem hefur verið húðað. Kantar kistunnar hafa verið styrktir með einhvers konar málmi (hugsanlega brassi eða kopar) sem neglt er á hann. Á bakhliðhlið ferðakistunnar er einn viðarlisti sem negldur er fastur og festur með járnfestingu á hvorum enda. Á framhlið hennar eru viðarlistarnir tveir. Lok kistunnar er kúpt og er fest á hana með leðurbandi. Á lokinu eru fjórir viðarlistar sem allir eru festir með sama hætti og á fram- og bakhlið kistunnar. Járnhandföng eru á báðum hliðum hennar.
Gamall lás og tvær festingar úr járni eru á kistunni. Einnig hefur, í seinni tíð, verið sett ný festing á kistuna svo hægt sé að læsa henni með hengilás.
Kistan er klædd að innan með blá-hvítum röndóttum pappír. Í botninn er hins vegar búið að setja nýtt lag og er sá pappír einnig röndóttur en í gráum og hvítum lit. Þó sést að áður hefur verið eins klæðning í botninum og er annarsstaðar í kistunni.
Á hlið kistunnar eru miðar sem límdir hafa verið á hana til merkis um í hvaða lest hún átti að fara. Á þeim fremsta stendur „73 Från Malmö F. Til Københavns Hovedbanegaard“. Undir honum er annar miði. Á honum má greina hluta af því sem stendur. T.v. „Fr. Stockh“ og undir því „98“ og hinum megin „Fr. Stockholm C“ og undir því „985“.
Á hinni hlið kistunnar er einnig límmiði sem að mestu er farinn af en hægt er að greina eitt orð á honum: „Kings‘s“.
Main information
Material
Object-related numbers
"Museumnumber b": 2018-83
Dimensions
83 x 50 x 52 cm
Lengd: 83 Breidd: 50 Hæð: 52 cm
Record type
Collection
Undirskrá: Munasafn
Keywords
Keyword: Ferðakista