Húsgagnasmíði
In preservation at
Skagafjörður Heritage Museum
Skatthol úr eik og lagt eikarspón. Það er 57,5 x 119,5 cm og hæðin 114 cm. Fótstykkið nær um 1,6 cm út fyrir skattholið sjálft og er úrsagað að framan og á hliðum. Í neðri hluta skattholsins eru þrjár skúffur og yfir þeim skrifborðið, sem dregið er fram líkt og skúffa.
Miðhluti þess er klæddur grænum flóka, er miðhlutinn á hjörum og hirsla undir og einnig eru til beggja hliða hirslur sem yfir eru rennilok lögð mahóníspón og nú klofin.
Með skrifborðinu dragast fram fimm litlar skúffuframhliðar, sem eru þó ekkert nema gervið eitt og eru tvær þeirra sveigðar. Yfir skrifborðinu er skápur í miðju, sem verið hefur læstur, en skráin er týnd. Í skápnum eru þrjár skúffur úr furu og er framhliðin lögð birkispón. Beggja vegna skápsins eru þrjár skúffur hver yfir annari og með sveigðum framhliðum og yst hvorum megin eru tvær skúffur hvor yfir annarri og hin neðri dýpri.
Allar litlu skúffurnar og skápurinn eru lögð mahóníspón, og skápurinn og listar beggja vegna hans innlagt grönnum listum úr ýmsum viði og prýtt látúnsskjöldum. Skúffuhöldurnar eru renndar úr beini og dökkir eikarlistar á milli skúffanna sumra. Með því að ýta á hnapp sem er undir skápnum má draga hann fram og kemur þá í ljós kassi sem er á bak við hann og hólf báðum megin á skápnum með renniloki fyrir. Eru þetta leynihólf.
Lokið yfir skattholinu er sveigt rennilok sem rennt er í heilu lagi upp og aftur fyrir skúffurnar og skápinn. Hefur því verið læst með skrá sem er á framhlið skrifborðsins, en lykillinn er týndur. Bakhlið skattholsins er úr furu svo og einstaka listar. Það er lakkborið og pólerað innan.
Þetta hefur verið mikill og góður gripur, en er örlitið farinn að hrörna. Á eina skúffu vantar handfangið og af annari er handfang og skjöldur, en fylgir þó. Skúffur eru orðnar þrútnar í og eigi unnt að draga fram skrifborðið til fullnustu. Á stöku stað er örlítið flísað úr spónlagningunni, svo og úr framhlið á efstu skúffunni stærstu, en á hana vantar hölduna og reynt hefur verið að opna hana með sporjárni eða því um líkt og hún hefur þá skemmst.
Skattholið er erlent, líklega danskt.
Main information
Material
Object-related numbers
Museumnumber a: BSk-238
Dimensions
119.5 x 57.5 x 114 cm
Lengd: 119.5 Breidd: 57.5 Hæð: 114 cm
Place
Staður: Enni, Skagafjörður
Record type
Collection
Undirskrá: Almenn munaskrá
Keywords
Place of origin
65°53'35.6"N 19°20'14.6"W