Go Back To Search
Do you know more?

Matarílát, til matgerðar

In preservation at
Skagafjörður Heritage Museum
Smjörstrokkur með virkjum, úr furu. Strokkurinn sjálfur er af venjulegri gerð um 80 cm hár, þvermál efst um 31,5 cm og neðst um 15 cm. Botninn er renndur úr einum kubb og mjög þykkur um miðju, og stendur strokkurinn jafnt á botninum sem stöfunum, flestir stafanna eru nú laggarbrotnir. Girði eru átján, ýmis læst eða krækt saman, og liggja hin tíu neðstu þétt saman. Girðin hafa þó verið fleiri neðst, en eru nú sýnd og er nú ein járngjörð þar. Lokið er um 28,5 cm í þvermál og er gatið fyrir bullustöngina orðið sporbaugótt vegna slits. Litið gat er gegnum lokið nærri brún. Bullan er 10,1 cm í þvermál að ofan minni um sig að neðan, og eru fjórar raufir í brúnirnar. Bullustöngin er alls 109,5 cm löng, allslitin orðin um lokið á strokknum, og er járnhringur á efri enda og járnkrókur sem virkjunum er fest í. Þau eru nokkurs konar vogarstöng og er sá armurinn sem í bullustöngina er festur, um 50 cm langur. Hinn armurinn er um 58,5 cm og fremst á honum húnn, um 26 cm langur. Armarnir mynda 110° horn sín á milli og eru festir saman með járnspöngum. Um samskeytin er þverás úr tré um 45 cm langur, og í enda hans eru járnteinar og gengur annar í stoð en hinn í slá sem fest er í sperru og er þar þolinmóðurinn. Þegar tekið er í handfangið hreyfist bullan og er strokkurinn með þess móti mun léttari en ella, og gátu unglingar auðveldlega strokkað í virkjastrokki það sem hefði reynst fullorðnum fullerfitt í venjulegum strokki. Strokkurinn hefur verið rauðmálaður þótt sú málning sé nú að mestu fallin af.

Main information

Jón Hallsson, Used by
Material
Object-related numbers
Museumnumber a: BSk-214
Dimensions
31.5 x 80 cm Lengd: 31.5 Breidd: 80 cm
Place
Staður: Glaumbær, 561-Varmahlíð, Skagafjörður
Record type
Collection
Undirskrá: Almenn munaskrá
Keywords

Place of origin

65°36'46.0"N 19°30'23.7"W