Skrifborð
In preservation at
Norwegian house - Regional museum of Snæfellsnes
Skrifborð. Því fylgir eftirfarandi bréf: "Skrifborð séra Árna Þórarinssonar á Stórahrauni. Dagana 9. - 11. júní 1973, sem var hvítasunnuhelgi, vorum við feðgar að slá upp fyrir hlöðu á bænum Hrútsholti í Eyjahreppi í Hnappadalssýslu. Einn daginn varð mér gengið upp á holt þar rétt hjá. Sá ég þar standa fjóra fallega rennda borðfætur upp í loftið. Spurði ég hvaða borð þetta væri þarna á ruslahaugnum. Sagðist Magnús Guðjónsson eiga það og þetta væri skrifborð séra Árna Þórarinssonar. Faðir sinn Guðjón Magnússon hafi keypt það á uppboði og nú væri það orðið ónýtt, sem satt var. Ég sagði að þetta væri dýrgripur sem ekki mætti verða alveg ónýtur og sagðist vilja gera við það ef þeir kæmu því suður til mín. Nokkrum dögum seinna fór Guðmundur Magnússon bróðir Guðjóns vestur á vörubílnum og kom aftur á honum tómum. Kom hann þá með borðið. Um haustið setti ég saman það sem til var og endurbætti botninn. Sýndi ég Þórarni Árnasyni borðið. Sagði hann að sig minnti að pabbi sinn hafi keypt það gamalt, líklega af einum Briemanna. Eins sagði hann að sig minnti að það hafi vantað eina skúffuna. Þá kom einnig þjóðminjavörður Þór Magnússon og leit á borðið. Lagði hann til að ég smíðaði nýja skúffu og málaði það gult svipað því sem það hafði verið og léti það svo fara á byggðasafnið í Stykkishólmi. Einnig smíðaði ég rammann ofan á plötuna og renndi hnúðana í hornin. Ég þurfti sem að líkum lætur að líma allt borðið upp, bæði plötuna, hliðar og skúffur. Leitaði ég svo samþykkis þeirra Hrútsholtsmanna fyrir því að láta borðið á safnið og var það auðfengið. Ber að þakka þeim það sérstaklega. Eins og sjá má varð ég að kaupa nýjar höldur, en þær gömlu eru í einni skúffunni. Þá fylgir hér með borðinu öxull úr taðkvörn frá Rauðamel úr búi Gests Guðmundssonar og Ólafar Sveinbjarnardóttur. Hann er gjöf til safnsins frá Guðmundi Magnússyni frá Hrútsholti, Langholtsvegi 60, Reykjavík. Reykjavík föstud. 30. maí 1975, Guðjón Bj. Guðlaugsson Efstasundi 30". Borðið er með einni skúffu í miðjunni og tveimur sitt hvoru megin. Eina höldu vantar.
Main information
Árni Þórarinsson, Used by
Material
Object-related numbers
Museumnumber a: BSH-2877
Dimensions
126 x 80.5 x 57.5 cm
Lengd: 126 Breidd: 80.5 Hæð: 57.5 cm
Place
Staður: Stóra-Hraun, Borgarbyggð
Record type
Collection
Undirskrá: Almenn munaskrá
Keywords
Keyword: Skrifborð
Place of origin
64°47'48.1"N 22°24'23.2"W