Kýrklafi

1890 - 1930

In preservation at

Kýrklafar úr hvalbeini. Tvö stykki, hvort á móti öðru. Kringlótt göt eru á sitthvorum enda. Stykkin eru ferhyrnd, lengd 31,6 cm og 32,2 cm. Bæði eru 4,5 cm á breidd. Þykkt er 1,6 cm og 1,8 cm. Svolítið íbjúg og snýr slétta hliðin inn en sú grófari út. Klafarnir voru bundnir saman ofan og neðan og lágu við kýrhálsinn sitthvoru megin. Band var fest í neðri samskeytin og bundið í garðaband. Klafar sem þessir voru sjaldgæfari en úr stórgripaleggjum. Að ofan voru klafarnir oft hnýttir saman með stuttri hnappheldu. Þá var festur reipisspotti neðarlega við jötustokk, hæfilega langur og miðaðist lengdin við að kýrin næði að sleikja sig, éta og drekka.