Barnaskóli

01.01.1929 - 01.01.1938

In preservation at

(Neðri röð frá vinstri) Ársæll Sigurðsson kennari fæddist 31. desember 1901 á Ljótarstöðum í Skaftártungu og lést 28. júní 1970.Ársæll var með foreldrum sínum til 1905 og síðan með móður sinni á Ljótarstöðum til 1907 og í Hlíð í Skaftártungu til 1909. Þau fluttust til Eyja 1909. Hann var með henni á Akri til 1912, en þá varð hann tökubarn í Skammadal í Mýrdal og síðan skráður vinnumaður þar til 1924. Hann leigði á Heimagötu 30 1930. Hann gekk einn vetur í unglingaskóla í Vík, lauk kennaraprófi 1925, sat kennaranámskeið í Askov í Danmörku 1937, las íslenska nútímahljóðfræði við Háskóla Íslands 1942-1944. Ársæll var kennari í Biskupstungum 1925-1927, í Holtum í Rangárvallasýslu 1927-1929. Hann var kennari við Barnaskólann í Eyjum 1929-1938, við Austurbæjarskólann í Reykjavík frá 1938 til starfsloka og hafði eftirlit með íslenskukennslu þar frá 1943. Ásgeir sat í stjórn Stéttarfélags barnakennara í Eyjum um skeið, í Reykjavík 1945-1946 og 1950-1951. Hann sat í ritstjórn námsbóka 1945-1949. Sigurbjörg Pálsdóttir 6. júlí 1907 - 23. ágúst 1989. Var í Skammadal, Reynissókn, Skaft. 1910. Var í Skammadal II, Reynissókn, V-Skaft. 1930. Húsfreyja í Reykjavík 1945. Páll Bjarnason 26. júní 1884 - 5. desember 1938. Skólastjóri í Barnaskólanum, Vestmannaeyjum 1930. Barnaskólakennari á Stokkseyri. Dýrfinna Gunnarsdóttir 3. júlí 1889 - 29. maí 1979. Var í Kúfhól, Krosssókn, Rang. 1890. Húsfreyja í Barnaskólanum, Vestmannaeyjum 1930. Kennari í Vestmannaeyjum. Síðast bús. í Reykjavík. Ágúst Árnason var barnakennari í Vestmannaeyjum 1907-1937. Hann fæddist 18. ágúst 1871 og lést 2. apríl 1957. (Efri röð í miðið). Séra Jes A. Gíslason var fæddur 28. maí 1872 og lést 7. febrúar 1961. Jes var bókasafnsvörður á árunum 1942–1949, auk þess að vera kennari og prestur.