Go Back To Search
Do you know more?

Bursti, óþ. notkun

In preservation at
Hvoll Folk museum
Tveir burstar merktir Burstagerðinni. Burstarnir eru að sömu gerð nema með ólíkan trévið í höldum. Þeir eru báðir brennimerktir með hástöfum „Bursta gerðin“ með mynd af ísbirni á milli orðanna tveggja. Burstagerðin var stofnuð af Hróbjarti Árnasyni burstagerðarmeistara þann 1. maí 1930. Fyrstu 7 árin var fyrirtækið í leiguhúsnæði á þrem mismunandi stöðum í Reykjavík, en árið 1937 fluttist Burstagerðin í eigið húsnæði að Laugavegi 96 og var þar allt til ársins 1966 eða í 30 ár. Fyrstu árin var bursta- og penslagerð eingöngu handavinna og voru þá 12-14 manns við framleiðsluna. Einnig voru nær öll burstatré smíðuð á staðnum og íslenskt hrosshár keypt af bændum víðsvegar að og notað við framleiðslu á ýmsum burstum og penslum. Árið 1942 var fyrsta burstagerðarvélin keypt til landsins frá Bandaríkjunum og var þar mikil breyting á framleiðsluhraða en samt voru ýmsir burstar og allir penslar framleiddir í handavinnu (Friðrik Hróbjartsson. 2010) Burstarnir er næstum hringlóttir eða með lykkju og minna örlítið á klósettbursta. Þó er ekki vitað hvaða hlutverk þessir burstar gengndu, og því allar ábendingar vel þegnar. Hárin á burstanum eru sennilega úr hrosshárum. Munurinn kom ásamt fleiri munum úr eigu Halldórs Halldórssonar  söðlasmiðs og fjölskyldu hans en hann bjó og starfaði lengst af í Strandgötu 15. Hann var ættaður frá Urðum í Svarfaðardal. Halldór fæddist 5.okt. 1878 og dó 2.sept. 1964 á Akureyri. Gefendur eru barnabörn Halldórs. Mælingar: Bursti 1: L:18,5 cm B: 13 cm H: 4,5 cm Skaft: L: 19 cm B: 2 cm Bursti 2: L: 18,5 cm B: 11 cm H: 5 cm Skaft: L: 17 cm B: 2 cm

Main information

Material
Object-related numbers
"Museumnumber b": 2018-2-48
Place
Staður: Strandgata 15, 600-Akureyri, Akureyrarbær
Record type
Collection
Undirskrá: Almenn munaskrá
Keywords
References
Friðrik Hróbjartsson. 2010. Burstagerðin: Um okkur. Sótt 13.04.2018 http://burstagerdin.is/pages/um-okkur.html

Place of origin

64°7'3.3"N 21°48'38.9"W