Málverk, + mótív

2006

In preservation at

Vatnslitamynd af kirkjustaðnum Völlum í Svarfaðardal. Á myndina er skrifað"Sálmaskáldið séra Páll Jónsson vann það stórvirki að byggja kirkju á Völlum í Svarfaðardal, sem var vígð á annan jóladag 1861 Elín Eggerz-Stefánsson 2006". Stærð myndarinnar er 23,5 x 17,5 cm. Utan um myndina er brúnn kantur úr pappír, 5,5 cm. breiður. Á honum er áletrun í gylltum lit"VELLIR Í SVARFAÐARDAL". Myndin er innrömmuð í ljósan viðarramma og gler yfir myndinni. Í eitt hornið hefur verið límdur hvítur pappírsmiði á glerið og á honum stendur"Séra Páll Jónsson sem fyrstur lét byggja timburkirkju á Völlum var þar prestur 1858-1878. Næstur kom þangað séra Hjörleifur Guttormsson 1878-1883. Síðan sat séra Tómas Hallgrímsson staðinn frá 1884 þar til hann lést vorið 1901. Séra Stefáni Baldvini Kristjánssyni var veitt Vallarbrauð í ágústmánuði 1901. Þegar Vallarkirkja var byggð 1861 var hún bikuð að utan en allir gluggar hvítir. Gluggi framan á stafninum yfir forkirkjunni kom ekki fyrr en 1891. Ekki er getið um kross á vesturstafni fyrr en Árið 1900. Teikningin hér að framan miðast við þetta. Þegar huga þurfti að flutningi séra Stefáns og fjölskyldu hans að Völlum reyndist gamli torfbærinn þar afar lélegur, enda sést á ljósmynd, sem tekin var að Völlum af frönskum ferðamanni sumarið 1886, að þekjan er grjótborin svo ekki fjúki. Þessi Ljósmynd var höfð til viðmiðs við gerð teikningarinnar. Vegna hins lélega ástands gamla torfbæjarins lét Stefán rífa frambæinn og í staðin reisa timburhús það sem enn stendur á Völlum.". Samkvæmt símtali við Elínu þá byrjaði hún ekki að mála fyrr en árið 2002. Elín á ættir að rekja að Völlum og Sökku í Svarfaðardal. Faðir hennar var Pétur Eggerz Stefánsson f. 10.ágúst 1900 á Akureyri en foreldrar hans voru S. B. Kristinsson prestur á Völlum og kona hans Sólveig Pétursdóttir Eggerz. Móðir Elínar var Sigurveig Guðlaug Þorgilsdóttir f. 9. marz 1898 á Sökku, dóttir Þ. Þorgilssonar bónda á Sökku og seinni konu hans Elínar S. Árnadóttur.