Dúkur, óþ. notk.

1945 - 1960

In preservation at

Handprjónaður munstraður dúkur. Hann er hringlóttur og hvítur að lit. Viðgerðir á dúknum voru gerðar af eiganda. Sveinborg Gísladóttir átti dúkinn en hún hefur trúlega keypt hann af vinkonu sinni Guðrúnu Þorleifsdóttur. Guðrún fæddist á Sveinsstöðum í Skíðadal. Hún bjó með Ólafi Sigmundssyni(Óla Lín) sjómanni á Dalvík m.a í Bergþórshvoli. Síðar var hún ráðskona hjá bróður sínum í Framnesi á Upsaströnd og Laxamýri við Goðabraut 6 á Dalvík. Hún giftist ekki en átti dótturina Rósu Snjólaugu með David Barber. Í bókinni Saga Dalvíkur 4. bindi er sagt frá sögulegri sjóferð og hrakningum sem þau lentu í Guðrún og Ólafur. Hún þótti hafa sýnt fádæma þrek og áræði við að bjarga Ólafi og fékk hún verðlaun úr hetjusjóði Carnegies, 500 krónur, sem þótti mikið fé árið 1938. Guðrún var ein af stofnendum Verkalýðsfélags Dalvíkur. Hún veiktist af berklum og dvaldi um skeið á Kristneshæli. Það sagði hún að hefði verið sinn skóli. Þar lærði hún að hekla og prjóna dúka auk annarar handavinnu. Hún var mikil handverkskona og jók tekjur sínar með því að selja handverk sitt.