Botnahnífur

1900 - 1928

In preservation at

Botnahnífur, með viðarhandföngum. Botnahnífur var notaður til þess að búa til fláa á botninn á tunnu svo að hann félli í löggina. Botnahnífur var einnig nefndur hófjárn eða tveggjahandajárn. Meðal áhalda sem dixilmenn og beykjar notuðu. Botnahnífurinn var í eigu Jóns Jónssonar beykis í Reykjavík (f. 21.7.1855, d. 12.11.1928). Jón fæddist á Folafæti í Ísafjarðardjúpi, sonur Elísabetar Jónsdóttur vinnukonu á Folafæti og Jóns Jóhannessonar vinnumanns og síðar bónda á Folafæti. Jón fluttist til Noregs árið 1880 og lærði þar beykisiðn. Um árið 1900 fluttist hann til Íslands og setti upp trésmíðaverkstæði í Lækjargötu 10A sem hann rak til dauðadags. Botnahnífurinn var gefinn ásamt öðrum munum úr eigu Jóns. Gefendur eru barnabarnabörn Jóns.