Seðlaveski

In preservation at

Hvoll Folk museum

Seðlaveski, þríbrotið saman, brúnt og rautt að lit. Lokast með leðuról sem stinga má undir tvo leðurhanka utan á veskinu. Nokkur hólf eru innan í veskinu og rúðustrikuð minnisblöð eru í þar til gerðri ól og virðist sem blöðin séu sérstaklega klipp til að passa í ólina og veskið. Á rautt leður í hægri hluta veskisins er letrað: "Hvarf Tryggvi Jóhs Ytra Hvarf". Í einu hólfi veskisins eru nokkur blöð. Eitt er reikningur frá árinu 1964 (munur nr 620b), greiðslukvittun fyrir röntgenmyndatökum þann 16.3. og 18.3. Greiddur hefur verið 1/4 hluti upphæða, annars vegar 170 krónur og hins vegar 92, 50 krónur. Reikningurinn er stílaður á Tryggva Jóhannsson á Ytra Hvarfi og er frá Sjúkrasamlagi Svarfdæla. Kvittað er fyrir greiðslunni "L.K." Annar miði er póstkröfukvittun frá 1947 (munur nr 620c). Líklega upptalning á pöntun "Hr. bónda Tryggva Jóhannssonar Ytra Hvarfi Svarfaðardal". Þar má lesa að keypt hafa verið m.a. spenagúmmí, loftslöngur, hné, gler og blöðkur. Sendingarkostnaður er 8 krónur og heildarupphæðin 93 krónur og 10 aurar. Þriðja blaðið er gulnað og rifið A4 blað (munur nr 620d) þar sem prentað er efst: "REGLUR UM MEÐFERÐ OG PÖKKUN Á INNÝFLUM, SEM FLYTJA Á TIL BRETLANDS". Þetta er fróðleg lesning um hvernig innyflu skulu meðhöndluð, pökkuð og merkt til útflutnings. Tryggvi Jóhannsson var fæddur 11. apríl 1882 að Ytra-Hvarfi í Svarfaðardal, lést 23. ágúst 1971. Hann var búfræðingur og bætti jörð sína mikið í sinni búskapartíð. Eiginkona hans var Guðrún Soffía Stefánsdóttir, fæd 12. júlí 1885 á Urðum í Svarfaðardal, lést 9. janúar 1963.