Sauðskinnsskór
In preservation at
Hvoll Folk museum
Sauðskinnsskó þennan saumaði Brynhildur
Jónsdóttir. Hún var fædd að Grund við Reistará 24.júní 1916. Foreldrar
hennar voru Jón Einarsson og fyrri kona hans Rósa Elísabet Stefánsdóttir.
Jón bóndi flutti að Kúgili í Þorvaldsdal og bjó þar til 1920 er þau fluttu
að Ytra-Kálfsskinni. Þar bjó Brynhildur fram á fullorðinsár en þá flutti
hún til Hveragerðis. Haft er eftir Brynhildi að hún hafi verið á ferð í
Skaftafelli og séð svo ljóta skinnskó að henni ofbauð. Hún bauðst til að
gera betri skó og fékk til þess skinn í Skaftafelli,blásteinslitað. Það
var eingöngu notað í hversdagsskó. Hún gerði skóna, saumaði þá í hæl og
tá í vél en annað í höndum og sendi þeim. Úr afganginum af skinnpjötlunni
gerði hún svo þennan skó og hinn á móti sem er númer 2009-12-2. Þeir eru
saumaðir á sama hátt og þeir sem hún sendi í Skaftafell. Í skónum er leppi
einnig með safnnúmer 2009-12-1 sem er slyngdur en þá var illeppurinn bryddaður
með n.k. fótofnu bandi, þar sem ívafið er saumað við leppinn um leið og
ofið er. Enn fremur er haft eftir Brynhildi að leppar hafi alltaf verið
gerðir úr afgöngum eða ónýtum og gömlum fötum sem hægt var þá að nýta á
þennan hátt. Einnig að skór af þessari gerð voru alltaf vættir fyrir notkun
svo þeir yrðu mjúkir og héldust þannig meðan verið var í þeim. Gefandi
er dóttir Brynhildar.
Main information
Material
Object-related numbers
"Museumnumber b": 2009-12-2
Dimensions
19.7 x 0 x 0 cm
Lengd: 19.7 Breidd: 0 Hæð: 0 cm
Record type
Collection
Undirskrá: Almenn munaskrá
Keywords
Keyword: Sauðskinnsskór