Bíldur
In preservation at
Hvoll Folk museum
Bíldurinn er úr kopar og blaðið
úr stáli. Hann er 5 cm. að lengd. Bíldurinn er í viðarkassa með áföstu
loki. Hann er klæddur að utan með svörtu leðri sem farið er að láta á sjá.
Að innan er kassinn klæddur fjólubláu plussefni. Bíldur er blóðtökuverkfæri
sem er þunnur tvíeggjaður uppskurðarhnífur með fjöður. Hann var notaður
við blóðtökur í lækningarskyni. Þórunn Hjörleifsdóttir húsmóðir og ljósmóðir
átti þennan bíld. Hún var fædd 15. september 1844 á Ytri-Galtastöðum í
Hróarstungu, dáin 8. nóvember 1918 á Dalvík. Hún var dóttir Hjörleifs Guttormssonar
prests síðast á Völlum og konu hans Guðlaugar Björgvinsdóttur. Þegar Þórunn
var ung í föðurgarði í Skinnastað í Axarfirði, var Arngrímur Gíslason málari
þar um tíma og tókust með þeim ástir. Ól hún honum dóttur, en réðst vorið
1868 ráðskona Þórarins Stefánssonar bónda og snikkara á Skjöldólfsstöðum
á Jökuldal og varð þriðja kona hans 3. júlí 1869. Þórarinn dó 2. júní 1870,
rúmlega fimmtugur að aldri. Áttu þau Þórunn 2 börn. Þórunn bjó ekkja á
Skjöldólfstöðum til 1871, en fluttist þá að Tjörn í Svarfaðardal til foreldra
sinna og var fyrst með þeim þar og síðar á Völlum. Árið 1876 barst Arngrímur
að Tjörn, þá ekkjumaður, og giftust þau um haustið. Þau bjuggu á hluta
af Tjörn 1877-78, en hluta af Völlum 1878-84, í tvíbýli við séra Hjörleif
á báðum stöðum. Í Gullbringu bjuggu þau 1884-87 er Arngrímur lést. Þórunn
var lengi ljósmóðir í dalnum. Hún var annáluð gæða- og dugnaðarkona og
hlaut almannalof og vinsældir. Börn þeirra Arngríms voru: Anna Stefanía
f. 13. okt. 1866 á Skinnastað, d. 3. jan. 1869 á Skjöldólfsstöðum; Petrína
Soffía f. 7. ág. 1876 á Tjörn, d. á Gimli Kanada 20. mars 1896; Angantýr
f. 10. apr. 1879 á Völlum, d. á Þingeyri 5. febr. 1965; Björg f. 17. júní
1881 á Völlum, d. 20. júlí 1956; Nanna f. 25. okt. 1884 í Gullbringu, d.
10. apríl 1908. Börn Þórunnar með fyrri manni sínum: Sigurbjörn f. 4. júlí
1869, d. 2. ág. sama ár; Guðlaug Þórunn f. 24. ág. 1870 á Skjöldólfsstöðum,
d. 18. febr. 1906. Arngrímur og Þórunn voru langafi og langamma gefenda.
Main information
Material
Object-related numbers
"Museumnumber b": 2009-35
Dimensions
6.9 x 3.7 x 1.8 cm
Lengd: 6.9 Breidd: 3.7 Hæð: 1.8 cm
Place
Staður: Tjörn, 621-Dalvík, Dalvíkurbyggð
Record type
Collection
Undirskrá: Almenn munaskrá
Keywords
Keyword: Bíldur
Place of origin
65°55'42.1"N 18°34'10.7"W