Sauðskinnsskór
In preservation at
Hvoll Folk museum
Þennan sauðskinnsskó gerði Brynhildur
Jónsdóttir. Hún var fædd á Grund við Reistará 24.júní 1916. Foreldrar hennar
voru Jón Einarsson og fyrri kona hans Rósa Elísabet Stefánsdóttir. Jón
bóndi flutti að Kúgili í Þorvaldsdal og bjó þar til 1920 er þau fluttu
að Ytra- Kálfskinni. Þar bjó Brynhildur fram á fullorðinsár en þá flutti
hún til Hveragerðis. Hún gerði þennan skó og hinn á móti með safnnúmer
2009-13-2 fyrir leiksýningu í Hveragerði en hún lék Grasa-Guddu og vildi
hafa hana í almennilegum skóm. Þeir voru þó nokkuð mikið notaðir. Skórinn
er saumaður í hæl og tá í vél en annað handsaumað. Haft er eftir Brynhildi
að skór af þessari gerð hafi alltaf verið vættir fyrir notkun svo þeir
yrðu mjúkir og héldust þannig meðan verið var í þeim. Í skónum er leppi,
einnig með safnnúmer 2009-13-1. Hún lætur einnig hafa eftir sér að lepparnir
hafi alltaf verið gerðir úr afgöngum eða ónýtum og gömlum fötum sem hafi
þá verið hægt að nýta á þennan hátt. Þessi leppi er slyngdur en þá var
illeppurinn bryddaður með n.k. fótofnu bandi, þar sem ívafið er saumað
við leppinn um leið og ofið er. Gefandi er dóttir Brynhildar.
Main information
Material
Object-related numbers
"Museumnumber b": 2009-13-1
Dimensions
24 x 0 x 0 cm
Lengd: 24 Breidd: 0 Hæð: 0 cm
Record type
Collection
Undirskrá: Almenn munaskrá
Keywords
Keyword: Sauðskinnsskór