Order a photo Terms of Use

Munnþurrkupoki

1942 - 1943

In preservation at

Reykjavík City Museum

Servíettupoki / munnþurrkupoki. Nemendavinna úr Húsmæðrakólanum á Laugalandi Eyjafirði 1942-1943. Vélsaumur, handsaumur og útsaumur. Poki til að geyma í tauservíettu. Við hverja máltíð í húsmæðraskólum var notuð tauservíetta. Fyrsta verkefni stúlkna í handavinnu þegar þær byrjuðu í skólanum var að sauma poka utan um tauservíettuna sína. Lýsing á servíettupokanum / munnþurrkupokanum. Pokinn er úr fíngerðu og ljósu bómullarlérefti með grænum útsaumi á lokinu. Efnið er brotið í þrennt, líkt og umslag. Formið er ílangt og stærðin miðuð við tauservíettuna. Pokinn er saumaður saman á hliðum í saumavél. Tvíbrotinn faldur á vasa, einnig saumaður í saumavél. Pokinn er merktur að framan með fangamarkinu VP og blómamunstur saumað til hliðanna. Útsaumsgerðir: Flatsaumur og leggsaumur (kontorstingur, varpleggur). Faldur á loki er tvíbrotinn og lagt niður við hann (saumað) í höndum. Stærð á samanbrotnum poka 29 x 12 sm. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.